هنا

[فقار الكرخي]

خطيه الماله واهس يكعد وياي
من يعطش يجي واحجيله ع الماي
هذا انه اختصار الكلشي بي خير
جبل والمني ياخذ يبقه جواي
ورد واليشم عطري يحبني مجبور
نخل والشاف طولي يريدني افياي
بعت خوه بزمن بي شحة اخوان
والمو كدها اجاني وصار شراي
انه اعرفهم تره ومن احجي معذور
انه الداينته خنجر حطه بكفاي
طحت وحدي وكمت ماعندي صحبان
والكلالي اجيك الهسه ماجاي
بطيت ابطيحتي او وازوني شمات
كمت كوه وعلي وهلهلت بالناي
اضل واكف علم متهمني الهموم
بس موقف الصاحب يوجع هواي
الترسو روحي امس شافوني مجروح
ماحسيت بيهم مشو بهداي
صاحبت الشعر ع الاقل ميخون
وابو اكثر من وجه ما اريده وياي






م

[Haidar Iraq]

شكراً لك ع النقل ..

[ريـــم]

الكلالي اجيك الهسه ما جاي .....