رسمتو بجام اسامينه
عشگناكم يَمَن بعتو
ونزفناكم حبر ورقه
خشنين ولزمناكم
وگلنه من الورد أرقه
سافرتو بنواياكم
وگلنه عيونكم موطن
وگلبنه يفز، يريد يروح
ونجبره يظل و إيحن
رسمتو بجام اسامينه
من چان الوكت يمطر
وكتبتو اسمائنه بشجره
مايمها نهر ويمر
عرفناكم دغش، چذبه
بس المشكله الشاعر
من يعشگ يطگ گلبه
من يكتب يحس روحه
عله متون الخدر نايم
من يغفه يحس كلشي
من فَي الشَعَر هايم
بس وصلت محطتنه
قطار الخوف فززنه
وحچي الهجران رتلنه
وإحنه بكل وجه ابيض نودعكم
اخذتو البنيه، بس هم زين
ماخذنه اي شي من عدكم
عبدالله العبدلي
رد مع اقتباس
