هنا

[Nazkul]

خدمة محبي باسم الكربلائي تقدم:
قصيدة:امك فاطمة يحسين
كلمات:سيد سعيد الصافي الرميثي
المكان: حسينية الرسول الاعظم - لندن

لحن: قصيدة #ندري_امك_البضعة


أمـك فـاطـمـه يحسين
عن جسمك تدور وين
عالغبره هون قلبين
◼◼◼◼◼
يـا خويه مسيت العاشر إبعاشور
شفت من السمه اعله الحومه ينزل نور
هاي أمك يبنها إعله الضحايه إتدور
و بعدهي العين حمره و الضلع مكسور
يـخـويـه و مـن رحـت يـمـهـا
تـوالـم هـمـي وي هـمها
و تـلاقـيـنـا إبـدمـوع الـعـيـن
عـالـغـبـره هون قلبين
◼◼◼◼◼
لـيـهـا مـن رحـت تـلطم تلقتني
مكسورة قلب مهضمومه شافتني
الـصـدرهـا الوالده ابلوعتها ضمتني
و عليك إبيا كتر يحسين نشدتني
حــقـج مـا تـعـرفـيـنـه
جـسـم إبـنـج إمـوذريـنـه
و مـجـسـوم الـجـبـد نـصـيـن
عـالـغـبـره هـون قلبين
◼◼◼◼◼
و لـمن شافتك من القفه مذبوح
و إمسلب و كل جسمك يخويه إجروح
هـوت فوقك يبو اليمه تون و اتنوح
تصيح ابيا ذنب فوق الثره مطروح
عـطـشـان الـعـده ذبـحـوك
لـيـش ابـلا دفـن عـافـوك
و جـدك سـيـد الـكـونـيـن
عـالـغـبـره هـون قـلـبين
◼◼◼◼◼
هـوت فـوقك يبنها الوالده إتشمك
و إبحسره الصدرها قامت إتضمك
و مـن شافت رضيعك منذبح يمك
المحسن ذكرته و كسرت ضلعها إمك
مـن دفـعـوا عـلـيـهـا الـبـاب
و عـصروها و قلبها إنصاب
صـاحـت ويـن أبـو الـحـسـنـيـن
عـالـغـبره هون قلبين
◼◼◼◼◼
تـقـلـي لـلـنـهر يا زينب إخذيني
على العباس أبو الوجدان دليني
أشـم عـطر الوفه من إجفوفه وديني
طفوا عينه إبسهم نفس الطفوا عيني
و لـمـن وصـلـت الـعـبـاس
شـفـتـهـا تـلطم اعله الراس
و نـشـدتـنـي عـلـى الـجـفـيـن
عـالـغـبـره هون قلبين
◼◼◼◼◼
و الـصوب الغري أمك نظرها إندار
صاحت كافي صبرك يا علي الكرار
مـا عندك خبر بحسين شنهي الصار
و إعيالك إبشدة و إنت حامي الجار
لـسـى إمـجـتـف إبـصـبـرك
مـا تـقـعـد تـطـر قـبرك
عـلـى إبـنـك دارت الـصـوبـيـن
عـالـغـبـره هون قلبين
◇◈◇⇩..mp3 ..⇩◇◈◇

[الخامري]

سلمت أناملك

[Haidar Iraq]

[Secluded]

يسلموو