هنا

[فقار الكرخي]

من تنخان تعرف نعمة النوم
وتضل تحسد النامو سط الكبور
من تغمض عيونك بالجذب هيج
وتريد اتنام بس متنام مجبور
من تبقه اتكلب فوك الفراش
وتوصل للفجر وتنام مقهور
من اجر نفس بس انت مخنوك
من تضحك جذب بس انته مكسور
من اتعيش وحشه بزحمه الناس
من اتصير جنك بيت مهجور
من تشوف جادر وين متروح
من يصير حته العيد عاشور
من عينك تغص بصوره الخان
وتبقه الذكريات ابراسك ادور
من اجوع بس ما تشتهي الزاد
بنفسك بس جفن وشويه كافور
من تورث جكاره وتشرب الروح
وتحس دمك بجسمك كاعد يفور
من تقره شعر قاري اله ابيوم
تضل تركض ادموع فوك الاسطور
ويجي وقت اتصال الليل وتموت
وتعرف هسه غيرك ماخذ الدور
وحبيبك ويه غيرك هسه سهران
وتعرف نفسك اشكد جنت مغدور
وتضل تبجي ودمعتك تترس الليل
وتلتم الهموم اعليك واجور
ومن كد السهر تشتاق للنوم
وعلى طبكه اجفونك تنذر انذور
وانت البيك عابر مستوى الموت
من اتموت حقك والله معذور







عماد الساعدي

[ريـــم]

من عينك تغص بصوره الخان
وتبقه الذكريات ابراسك ادور...........

[Haidar Iraq]