هنا

[العراب ']

طبعا هو البنجر عبارة عن زرف
يصير بالتاير
وبأعتبارك خبرة بحكم تجاربك اكيد
وية الزروف
تكدر تعالجة بطريقة سهلة

تجيب دهن
وتدهن الزرف
وادخل بي برغي
حتى يكطع نزيف الهوه
على ما توصل بنجرجي
وهو يركعه
لو يطببله فتيلة بالزرف








هاي اذا ماعندك سبير


نورت

وإذا ماكو دهن
يصير استخدم سي أويل ،، لو زيت التشحيم ؟
والبرغي بروح جدك ،، شگد لازم يكون حجمه ؟
لأن والله من يصير عندي بنچر ، ما أغير التاير ابد ،، اظل امشي عليه لحد ما أوصل البنچرچي وهو يغيره ، حتى لو كان التاير جديد
اريد اتعلَّم منك واستفيد خبرة

[فقار الكرخي]

وإذا ماكو دهن
يصير استخدم سي أويل ،، لو زيت التشحيم ؟
والبرغي بروح جدك ،، شگد لازم يكون حجمه ؟
لأن والله من يصير عندي بنچر ، ما أغير التاير ابد ،، اظل امشي عليه لحد ما أوصل البنچرچي وهو يغيره ، حتى لو كان التاير جديد
اريد اتعلَّم منك واستفيد خبرة

اكو عدة طرق تكدر تستخرج الدهن بيها

تنام جواها
وتمد ايدك عالصدر
وبالتحديد عالدرايم شفت بي كريز تكدر تاخذ منه

او تمد ايدك عالصره
بس كون حذر من تلزم الصرة
خاف تذب دهنها وانوب تفتح باب ثاني عليك .

اما حجم البرغي
انت مهما كان برغيك جبير
وميدخل بالزرف
من تحطله دهن راح يدخل ركظ
حتة لو شويه لاكيت صعوبة عادي
بس احرص على ان يكون دفعك للبرغي بهدوء وعلى كيفك
حتى متكبر الزرف لو تشكة
يعني بدون عنف

و مو ادخل البرغي هو والكوشة مالته
اول مدخل راسة
وابقة فر بالدرنفيس حتى يعشق السن

[العراب ']

ممنون فقار تعبتك
عندي سؤال ثاني إذا ممكن بخصوص الگير ( صندوق تبديل السرعات ) .
بصراحة المشكلة تتعلق بالأداء والوظيفة .
الگير ماجاي يؤدي وظيفته بالشكل المطلوب والمناسب ،، اغلب الأحيان يتأخر ، ومرات يحشر ومرات مايتحرك .
اما تبديل السرعات ، فمشاكلهن هواي .
عندي الأول والثاني طبيعيات وسهلات وماعندي بيهن مشكلة .
بس بالثالث تبدي المشاكل ، هو صحيح الثالث يجي بس صعب ويتعبني شوية ومرات يتأخر .
والرابع والخامس يحتاج وقت طويل وأمشي مسافة طويلة يلله أگدر ابدل عليهن .
أما السادس قافل نهائياً ومايجي ابد ،، بس اتذكر من چانت السيارة جديدة چان يجي بسهولة .
إذا ممكن وبأعتبارك مختص وصاحب خبرة بالسيارات تساعدني وتوجهني ، وأكون ممنون وشاكر لحضرتك هذا المعروف .

[فقار الكرخي]

ممنون فقار تعبتك
عندي سؤال ثاني إذا ممكن بخصوص الگير ( صندوق تبديل السرعات ) .
بصراحة المشكلة تتعلق بالأداء والوظيفة .
الگير ماجاي يؤدي وظيفته بالشكل المطلوب والمناسب ،، اغلب الأحيان يتأخر ، ومرات يحشر ومرات مايتحرك .
اما تبديل السرعات ، فمشاكلهن هواي .
عندي الأول والثاني طبيعيات وسهلات وماعندي بيهن مشكلة .
بس بالثالث تبدي المشاكل ، هو صحيح الثالث يجي بس صعب ويتعبني شوية ومرات يتأخر .
والرابع والخامس يحتاج وقت طويل وأمشي مسافة طويلة يلله أگدر ابدل عليهن .
أما السادس قافل نهائياً ومايجي ابد ،، بس اتذكر من چانت السيارة جديدة چان يجي بسهولة .
إذا ممكن وبأعتبارك مختص وصاحب خبرة بالسيارات تساعدني وتوجهني ، وأكون ممنون وشاكر لحضرتك هذا المعروف .

هلا هلا بالعراب الغالي


الكير وما ادراك ما الكير

اكو قاعدة ميكانيكية ثابتة
تكول
كلما يكبر المحرك
يرتاح الكير

شلون يعني .
يعني اكو محركات قديمة او صغيرة متتحمل تعشيق الكير
ودائما تكون فتحة الفنديشن عريضة
او بحكم الاستعمال تلكاها مهورة
فالكير يريد يدخل حصر
حتى يعشق راس الشفت وية الفتحة
وبالتالي يصير احكام عالراس
فتكوم تجي النمر وحدة ورة الثانية .

اما اذا اختاريت محرك كبير او جديد
مراح تتعب

يعني شلون ؟
يعني المحرك الجديد ميتعبك
شلون الاوتماتيك
هو الكير شغلته بس واكف
وهو المحرك يكوم ويكعد وانت بس متمدد
بس شنو يرادلك كم شغلة

اولا تعتني بدهن الكير

ليش

اني اكلك ليش
البشر شلون تجي طاقة ؟
غير من الاكل البي بروتينات
انت هم لازم تخلي دهن اصلي للكير
واذا عندك طريق طويل ويجوز تبات بالطريق
لاتخلي دهن . خلي دبس .

شلون تكدر تخلي المحرك يرتاح
من خلال الكير ؟
لازم تقبط كلج للأخير
وتخلي تنميرك سريع
ليش لأنه المحرك الجديد او الجبير
يحب كتل حتى من تكوم النمر ومتجي
هو يقوم بالواجب بأعتبارة حمه

زين انت شعندك منمر سادس ؟
هيج راح اتعبة المحرك وتشك حتى الصالنصه
لا واحتمال يطك الشاصي
وتكدر تنمر ورة النمرة الثانية مو بسرعه
يعني ورة ساعه تنطي نمرة ثالثة
وهيج يعني كل ساعه نمرة

وانصحك تفحص الشفت نظريا
تنام جواها وتخلي واحد يدوسلك كلج
وادخل الراسية بالفتحة وتشوف التعشيق يجي ترس لو لا
اذا جانت فتحة المحرك جبيرة حطلها شب
لو تحاول تكبر الشفت مثلا تلحم فوكاه وتخرطة بالتورنه
حتى من يدخل الشفت يحس بي المحرك وبالتالي يكوم ينطي اشارات
للعقل وتكوم تجي كل النمر .




بالخدمة عرابنا الغالي

[العراب ']

يصير بعد أسأل ، لو ازحمك واتعبك بأسألتي ؟
بصراحة سيارتي شوية متعبتني ، وأحس نفسي جاي أستفيد من خبرتك بالسيارات استاذ فقار

[فقار الكرخي]

يصير بعد أسأل ، لو ازحمك واتعبك بأسألتي ؟
بصراحة سيارتي شوية متعبتني ، وأحس نفسي جاي أستفيد من خبرتك بالسيارات استاذ فقار

احنه بخدمتك استاذ

[رمـْـْْـْــــــــآڊ]

هنالك ثلاث انواع من فلاتر الكاز لسيارة "ستاركس"
اصلي ومتوسط وعادي بامكانك استخدم المتوسط للمسكر وحاول تبدلة بمدة شهر لان الگاز العراقي يضيفوله دهن زايد وتصير بيه كتل صغيرة سودة بعد مدة من استخدام الفلتر
واذا استخدمت الاصلي كون ابو العاج هذا اخذلك بيه 3 اشهر وبدله

[رمـْـْْـْــــــــآڊ]

الشوتة

مثل اهمية الدهن والبانزين اذا صايرة سودة بدلها لان تخنك المحرك ويكوم يعكس مثل اشلون تنشل وتكوم تعطس لان الهوى ميدخل بصورة مناسبة بسبب انسداد الشوته بالغبار

[العراب ']

احنه بخدمتك استاذ

تسلملي صديقي الغالي
…
طبعاً هالمرة مشكلتي سهلة ،، تتعلق بالجوزة والسويچ .
بصراحة ياصديقي ،،، من ادخل السويچ كله متشتغل السيارة تظل بس توّن إلا اسحبه شوية يلله تشتغل .
ومرات ما تدير سلف إلا اظل أدخله وأطلعه كم مرة .
ومرات ميدخل بالجوزة إلا احطله زيت محرك ، بس يگولون الزيت يأذي الجوزة ويتلفها .
ممكن كم نصيحة لو سمحت صديقي الغالي ، حتى أستفيد من خبرتك بالسيارات .

[فقار الكرخي]

تسلملي صديقي الغالي
…
طبعاً هالمرة مشكلتي سهلة ،، تتعلق بالجوزة والسويچ .
بصراحة ياصديقي ،،، من ادخل السويچ كله متشتغل السيارة تظل بس توّن إلا اسحبه شوية يلله تشتغل .
ومرات ما تدير سلف إلا اظل أدخله وأطلعه كم مرة .
ومرات ميدخل بالجوزة إلا احطله زيت محرك ، بس يگولون الزيت يأذي الجوزة ويتلفها .
ممكن كم نصيحة لو سمحت صديقي الغالي ، حتى أستفيد من خبرتك بالسيارات .

هلا بالغالي

طبعا اول شي نجي نعرف
شنو اجزاء الجوزه

الجوزة عبارة عن شاصي
وبي عدة امشاط
وصجم
وسبرنك

نجي عالسويج
من تجي تريد تفوته
فوت بس الراسية مال السويج
وعلى كيفك
ومن تحس اكو مثل الصعوبة بالدخول
طلعه
ودائما دخلة بصورة مستقيمه
حتى ميحتك بالمشوطه
ويصير دخوله للأخير
انت اذا دخلته للأخير راح ترتاح
ليش
لأنه وصل المكانه الصحيح
وودخل بمسارة الصحيح
بس لا تدفعه زايد خاف يدك بالمعده
والصجمة والسبرنك الموجود جوة
وبالتالي تهور السبرنكه
وبعد ميحصر
يعني تلغي الحساس
معناه من يدخل السويج بعد متحس بي الجوزه
بس اذا ينزل حصر حتى السويج
يكوم يطول عندك
ومو شرط دهن محرك تحطله
عادي حته لو تنكع السويج
بالماي مال راديتر وادخلة بالجوزه
وحاول تسيطر على ايدك من ادخله
كون ما ترجف ايدك
واذا مدالية حاط بالسويج
الزمها بيدك من تريد ادخل السويج مو ادخلها ويه السويج بالجوزه




جربها وانطيني خبر
واي خدمة اني حاضر