هنا

[فقار الكرخي]

فكره جميله بالتوفيق اسطواتنا الدررين وهمات تصليح ابلاش هاي شتكره منها
ولو الماطور كتال صاحبه ..بس احنه بعدنه ماواصلين لمرحلة الطكوك ونسولفلكم عن سياراتنا بس تكدرون اتساعدونه بشغلات الماطورات ومشاكله اني عندي تكرمون ذبانه اتبخر الفيتر يكول كايمه زين اذا نجفتها ما تسوى شنو رأيكم ...والكلوبات باليل طافيه بيها من دون امة محمد هس شنسوي مانسوي وعد الله ما يضيع اليحجي الصدك

اهلا عدنان

ليش ماتسوى تجفتها ؟
ترة سعر التجفيت 30 الف


اما الكهربائيات اسهل منها ماكو
تشتري درنفيس فاحص
هذا اليصير بي واير
تخلي القارصه عالبارد مال الدراجة
وراس الدرنفيس تخلي على اماكن الي من المفروض يجيها حار
وبالتالي راح يشتغل مصباح الدرنفيس

واذا ماكو حار

تبدي اتبع الوايرات

واكو فيوز صاير فوك الباتري شوفه خاف طاك .

واكو كتف الانارة صاير بصف الهورن
يعني تفتح الكفر الامامي وتلكاه
هذا الكتف دائما يعطل

[فقار الكرخي]

استاذ محمد العزيز ،، لابأس من حضرتك ان تمارس تخصصك العلمي باعتبارك مهندس وتحاول تفيد الناس ..
بس الغريب بالأمر ،، انو شركائك بالموضوع ، الاول شاعر والثاني مشرف منتدى الخواطر والنثر ،، يعني اختصاصهم حب ورومانسية وغزل واشعار ودارميات .. مو تجفيت محركات ..
وهسه المطلوب من فقار يكتب قصيدة يتغزل بالدشبول حتى يوازن بين اختصاصه الاول كشاعر واختصاصه الثاني فيتر

عوف الخواطر والشعر
والعاطل شعندك كول
عفت المحرك والصدر
والهامك بس دشبول
ما همك الكير وبجم
لا نوزلات ولا حجم
يكصر عمرها وميطول
لاتحط لاماي ودهن
عبالك مشغل فرن
والكيج يقرالك فول
من تسوق ثبت رجليك
وايدك على الهند بريك
خافن تفوت ام الكيك
تدعمها وانوب فصول

[Mohammed K.F]

عوف الخواطر والشعر
والعاطل شعندك كول
عفت المحرك والصدر
والهامك بس دشبول
ما همك الكير وبجم
لا نوزلات ولا حجم
يكصر عمرها وميطول
لاتحط لاماي ودهن
عبالك مشغل فرن
والكيج يقرالك فول
من تسوق ثبت رجليك
وايدك على الهند بريك
خافن تفوت ام الكيك
تدعمها وانوب فصول

الله الله
عشت شاعرنا الكبير

[Suzana]

عوف الخواطر والشعر
والعاطل شعندك كول
عفت المحرك والصدر
والهامك بس دشبول
ما همك الكير وبجم
لا نوزلات ولا حجم
يكصر عمرها وميطول
لاتحط لاماي ودهن
عبالك مشغل فرن
والكيج يقرالك فول
من تسوق ثبت رجليك
وايدك على الهند بريك
خافن تفوت ام الكيك
تدعمها وانوب فصول

انت فد شي فقار

[فقار الكرخي]

الله الله
عشت شاعرنا الكبير

انت فد شي فقار

من ذوقكم يالثكال

[فقار الكرخي]

ومن مشاكل تأخير التشغيل ايضا


اختلاف في سنتر المحرك


بسبب رداءة نوعية القايش المسنن
الذي يربط الكام شفت بالكرنك
تعبر سن

شلون يعني ؟

القايش يجي مسنن
من خلال الاستعمال ورداءة النوعية
يتعرض القايش للتلف
على كولتنه يطير سن من احد الاسنان الموجودة بالقايش
فيختل نصاب سنتر المحرك .

ف من يفتر المحرك يكوم ينطي اشارات خاطئة الى العقل
ويتأخر تشغيل السيارة .


شلون اعرف هاي المشكلة
ان السنتر مختلف ؟


افتح الغلاف المحيط بالبللي
واحضار راس بوكس 19
او حسب حجم الموجود امامك
البرغي الي مشدود بي البللي
ونفرة بالبوكس .
الى ان توصل البنطة الموجودة على البللي
امام الاشارة الموجودة على بدنة المحرك

ثم نأتي على رأس الكرنك والبللي الموجود
ايضا تجد فيه اشارة على البلي وعلى بدنة المحرك
اذا وجدت اختلاف
او وجدت الاشارات الواحدة ليست امام الاخرى
معناه ان السنتر قد اختلف عندك
ويجب استبدال القايش ان وجدته تالف
وان كان سليم يمكنك فقط سنترة المحرك واعادة القايش الى وضعه




يتبع

[فقار الكرخي]

من مشاكل تأخير تشغيل السيارة ايضا

النارية


من تشغل ادير سلف
نار ماكو بالمجاول او ضعيفة
وبالتالي من ينزل البانزين داخل غرفة الاحتراق
ماكو نار الي تحرقة ويبدأ دفع البستم
ودوران المحرك .


شنو لازم اسوي حتى اعرف وين المشكلة بالنارية ؟


النارية بيها عدة اجزاء . منها

المجول

بعض السيارات يصير مجولها رئيسي
وتخرج منه وايرات الى البلك

واكو مجاول فردية
يعني كل بلك يكعد فوكاه مجول


اسلاك الخارجة من المجول الي نسميها وايرات البلكات


البلكات


اول شي نجي نفحص المجول
بالنسبة للسيارات البيها مجول رئيسي .

شلون نفحصه ؟

نشلع الواير من البلك
ويبقى متصل بالمجول الرئيسي
ونخلي اي بلك في رأس الواير
ونخلي واحد يشغل
وانت عينك على البلك وتشخص
اكو نار ديطلع من البلك اثناء التشغيل لو لا
وافحص جميع الوايرات
وكون النار الخارجة يكون لونها ازرق
لأنه النار الزرقاء تكون هي النار المطلوبة .


نجي هسة على المجاول الفردية
الي تركب فوك كل بلك

من فوك محكمة ب برغي 10
نفتح البرغي ونسحب المجول
ونسوي نفس العملية هم نخلي بلك والى اخره .

اذا ما خرج نار معناها عاطل
المجاول الفردية اذا عطلت
مثلا من يعطل واحد يتبدل ويبقن الباقيات

اما المجول الرئيسي لا
لازم يستبدل كلة .


فحص الاسلاك او الوايرات


دائما هيج فحص لازم يكون بليل
وفي ظلام

تفتح البنيد وتخلي واحد يشغل
وتنتبه على الوايرات بيهن تهريب لو لا

يعني من يشغل تشوف الوايرات يطلع منهن نار او جدحه

اذا شفتهن يهربن لازم تستبدلهن



البلكات


مرات اكو نار
المجول يخرج نار
والوايرات سليمه
بس البلكات او البعض يسميهن لمبات
يكون بيهن مشكله

مثل شنو هاي المشكلة ؟

مثلا شمعة البلك منتهية خلصانه
والنار تطلع ضعيفة

ذوبان البلك بسبب الحرارة
ورداءة البلك

كاربون على البلك بسبب عمليات الاحتراق
هذا هم يقلل من جودة عمل البلك .

وجود دهن على البلك
بسبب رنكات البستم تعبر دهن
وتعمي البلك

[Mohammed K.F]

والله كلش فادتني معلوماتك فقار...استمر

[رمـْـْْـْــــــــآڊ]

كيف يمكنني معرفة الزيت الاصلي عن المقلد؟

الجواب/ هنالك انواع عدة من الزيوت في الاسواق لكن ليس جميعها يرتقي للنوع الاصلي بسبب تجارية البضاعة وعدم وجود نوع محدد تتبعه الشركات في التصنيع .. من افضل انواع الزيوت هي الروسية والالمانية والامريكية وهي كاز بروم الروسي وبترومين السعودي ولوكسويل الالماني وجيرمن برنس و راكت باور الالماني وتوتل الاماراتي و511 البريطاني
هذه قائمة بافضل الزيوت وانواعها
اما معرفة الاصلي عن المقلد دائما هنالك رقم تسلسلي في كل علبة زيت يتم طباعته ليتاكد المستخدم من صحة المنتج وضمانته وهنالك طريقة اخرى نفسها الشركة تقوم بكتابة sl للاصلي و sf او sw او cv او zl للعادي.

[رمـْـْْـْــــــــآڊ]

متى اقوم باستبدال فلتر البانزين ؟ هل له وقت محدد ؟ وكيف اعرف انه غير صالح ؟

الجواب / فلتر الوقود هو احد عناصر السيارة المهمة لاسيما في العراق وذلك بسبب نوع الوقود الرديء والممتلئ بالشوائب .. يعمل الفلتر على تتقية الوقود الذاهب للمسطرة ويحتوي على تقسيم او راجع اما في المكينة او بجانب الفلتر كما وضح الاخ فقار ذلك يتم استبداله بعد 5 اشهر من استخدامه .. ويلاحظ السائق الفرق تدريجيا عندما يضغط على دواسة الوقود يكون هنالك نهوض اسرع من السابق
هنالك انواع من فلاتر البانزين كبس وادخال يستخدم للادخال (قفيص) والكبس مباشر