هنا

[انسان ثاني]

والله يا دكتور (ان شاء الله بعتبار ما سيكون) خلي ابينلك تجربتي البسيطة بعتباري طالب جامعي ادرس ادارة الاعمال

احنه تقريباً كل سنة گاعد يغيرون مناهج بكليتي ، يعني اسأل الدفعة القبلي الگاهم مغيرين المصدر واحتمال حاذفين المادة ، المصادر الي نعتمدها اقل شيء ٢٠١٦ يعني تگدر تگول نواكب التطور ولكن تعرف بالكليات الاهلية اكو امتحان رصانة بمداتين بالمرحلة الرابعة ، لذلك يضطرون الاساتذة عدنا يستخدمون نفس كتب المستنصرية و بغداد لان امتحانه مركزي


الي استنتجه من كلامي انه الدكاترة عدهم حب التطور و مواكبة العصر لكن الوزارة المعنية الاول هي الي تتعنت ، لذلك عدنه هواي دكاترة واصلين الى درجة الاستاذية يرفضون يدرسون بالحكومي ، يگلك الحكومة مابيها اي مجال للابداع و اني اشوف هل كلام صحيح

هاي تجربتي البسيطة
وتحياتي الك دكتورنا

[آية الساعدي]

منين نبدي
من نظام المحاظرات واسلوب الاساتذه والدكاتره الي بس حفظ ونقل ماكو شي ابداعي ومينطون فرصه للطالب انو يكون كطالب اكاديمي جامعي لو نظام القبول
لو الحرية بالجامعه
لو الكتب
مادري هواي هن بالنسبة الي سنتين بالجامعه المستنصرية كلية التربيه الاساسية قسم جغرافيه كرهت نفسي وكرهت اهلي لان لحو اله تدخلين تربيه وتصيرين معلمه
تركت هذي السنه والسنه القادمه اروح للقسم الي اني احبه وابدع بي
كليه الفنون جميله قسم الفنون التشكيليه

[د. حسن سعيد]

بصراحة مااعرف من وين ابدأ بالحديث عن مشاكل التعليم
يمكن بالنسبة للمناهج على الاقل على مستوى اختصاصي
فالكتب والمنهاج حديث جدًا بالنسبة للبكالوريوس اما العليا فحتى المصادر الاجنبية الحديثة
متوفرة و سنويًا يتم اعتمادها بالطبعات الجديدة ، لكن المشكلة تكلفتها عالية جدًا
يعني نجيبها من امازون بـ 300 دولار اقل شي و طبعًا اجبارية لانها منهاجنا الدراسي

اعتقد المشكلة الاكبر باسلوب التدريسي ، الدراسات العليا عبارة عن حرب نفسية
اكثر من كونها رفد الطالب بالمعلومة
بسنة 2011 كنت طالبة ماستر و درسوني اساتذة ماممكن انساهم
شهرين غيروا من شخصيتي بشكل كبير طبعًا نحو الاحسن
لكن شاءت الظروف ان اترك الدراسة ( بسبب التعيين ) و ارجع بعد 8 سنوات و للاسف اللي درسوني سابقًا طلعوا تقاعد اما الحاليين فهم عبارة عن جلادين
اسلوب رديء جدًا وعلمية مخجلة والمصيبة منگدر نحجي شي
والاتعس فوگ كل هالتعب و الركض محد بحال شهادتنا ومحد معترف بيها

اغلب الكادر التدريسي يعاني من عقد نفسية يعكسها ع الطالب
هذا عدا الحرب بيناتهم و التسقيط
مجتمع الاساتذة الجامعيين فاشل جدًا مع احترامنا للجيدين
لكن شنسوي نمشي امرنا لحد متفرج و لو اموت مااكمل دكتوراه
بس اخلص من هالشدة

بالنسبة للقانون نص كتبه اذا مو أكثر قديمات بعدهن على قوانين زمن صدام اللي هسة معظمهن ملغيات، أما مجتمع الأساتذة الجامعيين فللأسف مو مثل قبل صاير بي نفاق ومشاكل وقسم منهم يطلعون قهرهم وثاراتهم وية خصومهم براس الطلاب المساكين

[د. حسن سعيد]

والله يا دكتور (ان شاء الله بعتبار ما سيكون) خلي ابينلك تجربتي البسيطة بعتباري طالب جامعي ادرس ادارة الاعمال

احنه تقريباً كل سنة گاعد يغيرون مناهج بكليتي ، يعني اسأل الدفعة القبلي الگاهم مغيرين المصدر واحتمال حاذفين المادة ، المصادر الي نعتمدها اقل شيء ٢٠١٦ يعني تگدر تگول نواكب التطور ولكن تعرف بالكليات الاهلية اكو امتحان رصانة بمداتين بالمرحلة الرابعة ، لذلك يضطرون الاساتذة عدنا يستخدمون نفس كتب المستنصرية و بغداد لان امتحانه مركزي


الي استنتجه من كلامي انه الدكاترة عدهم حب التطور و مواكبة العصر لكن الوزارة المعنية الاول هي الي تتعنت ، لذلك عدنه هواي دكاترة واصلين الى درجة الاستاذية يرفضون يدرسون بالحكومي ، يگلك الحكومة مابيها اي مجال للابداع و اني اشوف هل كلام صحيح

هاي تجربتي البسيطة
وتحياتي الك دكتورنا

حبيبي رامي الورد نورت، أكيد كلامهم كلش صحيح الكليات الحكومية جامدة خصوصاً جامعة بغداد يا أخي مصيبة بمعنى الكلمة، السبب مو بالأساتذة وهالشي نوهت عنه بموضوعي بس بشكل غير مباشر لكن الخلل باللجنة القطّاعية اللي هي لجنة عمداء الكليات في تخصص معين -كلجنة عمداء كليات الصيدلة مثلاً- والوزارة تتحمل جانب كبير من المسؤولية ، موفق عزيزي رامي

[د. حسن سعيد]

منين نبدي
من نظام المحاظرات واسلوب الاساتذه والدكاتره الي بس حفظ ونقل ماكو شي ابداعي ومينطون فرصه للطالب انو يكون كطالب اكاديمي جامعي لو نظام القبول
لو الحرية بالجامعه
لو الكتب
مادري هواي هن بالنسبة الي سنتين بالجامعه المستنصرية كلية التربيه الاساسية قسم جغرافيه كرهت نفسي وكرهت اهلي لان لحو اله تدخلين تربيه وتصيرين معلمه
تركت هذي السنه والسنه القادمه اروح للقسم الي اني احبه وابدع بي
كليه الفنون جميله قسم الفنون التشكيليه

من نظام القبول على المعدلات الى ترجيح المهن الطبية بالتعيين والتوظيف الى ..... القائمة طويلة، الأسلوب القديم اللي ديستعمله معظم الأساتذة بالجامعات يحفظ الطالب ويجيهم عبالك ببّغاء هذا كارثة انسانية وعلمية

[basher4]

ليسجل علي هذا ..دخلت صرح احدى الجامعات لتسجيل قبول من يعنيني
اول الوهلة التي طافت على السطح
ركاكة اسلوب من يرتجى ان يكون قد نال المراتب العليا للاسف...في اثناء الحوار لانهاء موضوع القبول استنتجت عدم الرزانه والتخبط في السياقات المعمول فيها ولم اجد تلك الحنكة التي عهدناه ولمسناها في ما سلف من ايام كان يشار الي الجامعات بالبنان، من بين الخروقات المجحفة
تزاحم الطلبة على استنساخ ملازم الكسب الغير اخلاقي ، والبتالي خرجنا مكبلين بالموازي بعد تعذر عن القبول بمعدل الحالي وهكذا غدر قسم التسجيل بعد قطع الوعود وتحمل الموازي الى ان ينزل الطالب من اللغة الانكليزية الى الجغرافية ، باتت الجامعات ادوات لتحطيم طموح الطلبة ، اما ما ذهبت اليه في سطورك
ماهو الا امتداد للخراب الحاصل في جميع مفاصل الدولة ، فلا غرابة ...

موضوع له صدى واهمية كبيرة ولابد من وقفة جادة تصلح هذا الانحدار

[د. حسن سعيد]

ليسجل علي هذا ..دخلت صرح احدى الجامعات لتسجيل قبول من يعنيني
اول الوهلة التي طافت على السطح
ركاكة اسلوب من يرتجى ان يكون قد نال المراتب العليا للاسف...في اثناء الحوار لانهاء موضوع القبول استنتجت عدم الرزانه والتخبط في السياقات المعمول فيها ولم اجد تلك الحنكة التي عهدناه ولمسناها في ما سلف من ايام كان يشار الي الجامعات بالبنان، من بين الخروقات المجحفة
تزاحم الطلبة على استنساخ ملازم الكسب الغير اخلاقي ، والبتالي خرجنا مكبلين بالموازي بعد تعذر عن القبول بمعدل الحالي وهكذا غدر قسم التسجيل بعد قطع الوعود وتحمل الموازي الى ان ينزل الطالب من اللغة الانكليزية الى الجغرافية ، باتت الجامعات ادوات لتحطيم طموح الطلبة ، اما ما ذهبت اليه في سطورك
ماهو الا امتداد للخراب الحاصل في جميع مفاصل الدولة ، فلا غرابة ...

موضوع له صدى واهمية كبيرة ولابد من وقفة جادة تصلح هذا الانحدار

لا يسجل عليك، ما تفضلت به غيض من فيض لكن عسى أن نجد إصلاحاً يوماً ما