تَريد المعِركة تَبدي الصُبِح بليل
هَسّة تريد باجِر عدنا مَاكو شكِال
مَاجينِة عَلمود نشِوفكم ونَروح
تَرضاها نتعيَر بالحَچي الينكَال
تَقبّل ننِعبر مِْن نُكَعد بديَوان
يعَبرنا الكَهوچي شِما يشيل دلاَل
رأَسك ينطُلب أَلا احنَة مو خيَرين
تره نصَارك نشِامة وعَابرين إِجياَل
علّى هونِك نَنتِخذ ياَجمَل هذا اليَل
فَشل لوَ مو جِمل من كَون هَسّة جمَال
شَني شتكَول زيَنب ربِع أَخوي ارچاچ
لا وأَلكفل زيَنب ما نِطُب شكِال
هِجرنا بيَوتنا بكَلبك لكَينا بيَوت
لكَينا بداخلّك لصِدكَ جم تمثَال
ولكَينا بدِخلك لِضلع راَسم باب
لَكِن شفنَا حيَدر مِن بعيّد هَلال
چريمة چتافنة شَيل الحمِل مرتين
نِفرح ونَتنافس كِون ثكَل جبَال
خفِيفة اَرماحهُم باجِر ثكَيلة تصيَر
بيَهن كَبل رأَسك روسَنا التنشَال
رسمَناك الصُبح وتبِدة طوَلك خيَر
كتبنَاك بعطِش بّس واهَسك شَلال
علّى مَود عيَونكم حبينَا حتى الطيَف
حتى المَاتكَول نحبة ماينكَال
هَذا الطِف زغر نسحَكَ ركَب مو كَاع
باچر شوف ربعك شاَبهُم خيَال
كِشخنا بصيتكُم لاَ خر مُطر بالغيّم
محِال نعَوفكم تَدري العشكَ جتال
اليبَاوع للخِيم نتَرس عيَونة سهَام
خّيم نسَوانكم مِا يجَي بسّدها خيَال
وأَخذنا برأَحتك لمَوت مو للمِوت
المُهم خِل نشَوف عندك هَسّة راحة بال
وزعنَا علّى كيف بكِل شبّر تاريَخ
بينَا وداعتك تنضُرب خِوش أَمثال
شنَي نفاركَ ضواك اليَانهَار نلوكَ
هَو أَحنة علّى كَاعك جابنا التِرحال
أَشر علّى اليَل نطشِرة أَلك نجمَات
خَافن غاثك حتى السَهر ينشَال
الهَوة بنُص خيمتك نشَتم مُحمد بيِ
حطنَة الخِيمتك عمَدان حطنة حِبال
طلعنَة الرِضيع نكَابل الكِاروك
نكِبر كَون صرنا ويِـ الرضيع اَطفال
ضُمنة دمِوع تچوي الغُربة السجَاد
فياي علّى الهوادج حطنَة ما ننشال
بينَا المالة أَخو شافك بظهرة حِزام
والمَاعندة أُم شافك محَنّة ومال
والمَاعندة والدَ كَال أَبوي أَحسين
الزغيَر البينَا ينحِسب رجال
اداء : فاقد الموسوي
كلمات :حُسام سباهي المالكي
تدويني
رد مع اقتباس
المشاركة الأصلية كتبت بواسطة Secluded
