بخدود السما ..
صفنات اثر بوسات
زرعتك بيه ذكرى وخظرت نسيان
جبتلك سالفة عشرين خظرة ملونة ابستان
ورسمت الهوه بصدرك
وردت تحلم وكتلك ليل
وجبت غيمه اعله شفتك من كلت عطشان
كل هذا واكول مقصر بحقك ..
تعال وياي
انه مطلع ترافة بنبرة الدفان
انه من امطر وفه يطك ورد بالعاكول
وبكلب العطش مرات اصيرن ماي
تعال وياي
مخنوكه السنين تجر نفسها بخيط
أعرفك وأنت تعرفني
انه الما ارهم بلياك
وانت الميت بلياي
رد مع اقتباس
