هنا

[فقار الكرخي]

عِشگَنْ

شمة الدخان سهرة گمره

عِشگَنْ

ضحكة الچيلات زند السَمرَه

بالدم كتبنه سنين حُب وثورة

رگص الشجر للماي رگصت حالي
من أتعب يمرني الشهيد إبالي

يالـيل .. فك ضواك گبال شمس إلثوار
وانزع اهدوم السود ، لا تلبس عار
حته الفشگ يرتاح يتلاگه بحار

إعله الرصيف الخوف خلص عُمره
بالدم كتبنه سنين حُب وثورة

يا عيـن .. زفي لضوه إحبيبتي دمي الطاح ، ياعـين
فوگ خصلات الشعر، بس قداح، ياعـين
إحبيبچ الأسمر شهم لَمَن راح

ثورة اكتوبر تَشَع من عُطرَه
بالدم كتبنه سنين حُب وثورة







م

[Haidar Iraq]

شكراً لك ..