جنائن " مطعم التركي" عجايب صوت
حَمد فز، ووگف لحمود، گله الصيت
ماينباگ
حَمَد، عِرس الفشگ بالخوف ما ينضاگ
وركض للريل ، گله "التكتك" إعدالك
رمز للثوره ، والثوار
ويذكرونه إبدالك
جنائن " مطعم التركي" عجايب صوت
كل طابق كتب دمه
الراح الساحة تحرير
حصل من إبوه إشماغ ، وبوسه إبراسه من أُمه
زلمنه تغني يم النار ، ماتبرد
طوفان الشعب ، بس للشعب موجود
ما ينركب ، مو موجه !
النظرته إعله القنابل وين ، هذا إعيونه مو عوجه
جبل أحد عِرَف لوفات خالد ما يعوفونه
الچوبي بساحة التحرير
بسمة طيف
للساسه اليكفرونه
اليحب ، بساحة التحرير خل يشبگها يم الناس
گايلها گبل للعين
( عله الگذله وطن ينباس )
التحب بساحة التحرير تكتبله الوطن إسمك
وتبدي تخط عله الحيطان أغاني وطيفها ورسمك
عبدالله العبدلي
رد مع اقتباس
