هنا

[Suzana]

خلي ابرد گلبي

بفترة كنت مشرفة وكنت شديدة وصارمة كون القسم اللي كنت
اشرف عليه يتطلب الى حٍد ما هذه الصرامة
كان احد الاعضاء ينتقد الكادر الاداري ( اثناء احاديثنا )
بصراحة ماكنت اشوف نقده بمحله ، لكن بعد تركي للاشراف ادركت ان كلامه صحيح
الكادر الاداري مبني على صداقات و علاقات شخصية او حتى بدون هذه المعارف
اي عضو ضمن الكادر الاداري ميعطون به حتى لو كان مخطئ
يضحكون على نفسهم بارسال تنبيه للمشرف او المراقف !

سابقًا كنت وحدي اكتب مواضيع جريئة والنقاش يشتد و الادارة تعاملني بسوء
ولحد الان حاقدة على وردة النائبة السابقة و بصراحة مااحبها ابد
اسلوبها محلو نهائيًا عبالك مستلمة منصب وزاري
وتركت المنتدى بالفترة اللي كانت مراقبة وسعيدة جدًا بغيابها ( اتمنى مينحذف كلامي حتى لا اكون تحدثت خلفها )
وتجينا سوسن اللي لاحگتني بعربانة اقل كلمة مني تحذف الرد وبالاخير تكتب ( منتدانا )
يعني اعتقد هالاسلوب مولائق ابدًا لكن اني بصراحة صرت اتجاهل هذه الاساليب

المهم الكادر الاداري غير منصف و حتى سامر عندي تجربة سيئة وياه
بس بصراحة ناسيتها ، هو ايضًا اسلوبه محلو و يوهم المقابل بالعلمانية و التمدن
وهالشي بعيد جدًا عن المنتدى

مع الاسف الاعضاء النشطة واصحاب القلم الجيد
يهاجرون لمجرد تفضيل علاقات الكادر الشخصية على حساب مصلحة المنتدى
طبعًا اتكلم عن تجربتي اما حاليًا ميهمني اذا مراقب حذف موضوع او رد لان اللي يحب يستفيد او ميحب هو حر مااجبره لكن اللي يحز بالنفس ويدلل على عدم الاحترام من تجي سوسن تكول منتدانا يابه لو نجي لبيتكم شتسوين !!

واكيد منتسى جهود سوزانتنا الغالية
وطبعًا الدكتور اركي سابقًا
اشخاص راقين جدًا ومهذبين

العزيزة لارا شكرا من القلب لانك هنا ..الحقيقة استمتع بحوارك ومواضيعك النقاشية النابعة من الانفتاح الذهني الذي تتمتعين به..

[Suzana]

الله بالخير

الحاذفلة موضوع او مشاركة
خل يجي يكول

الما محشش ومتشاقي وياه هم خل يجي يكول

الما منطي تقييم هم خل يحجي

اللون الي تلون بي اسمي ما غير من اخلاقي او بساطتي وية الاعضاء الي هم اكثرهم اصدقاء في برامج التواصل واخوة
ولأني جنت نائب في الكثير من المنتديات
فالرقابة او الادارة مو شي جديد عليه واستغل منصبي او من هذا القبيل .

واني الوم الاخوة الاعضاء الي تكلمو عن الاشخاص في الادارة وما ذكرو اسماء
صح يجوز يصير زعل
بس المفروض احط النقاط على الحروف وكلمن انطي طينته بخده .

اكو بعض الامور تصير مدغمة للكثير

مثلا

في بداية تسجيلي بالدرر
حسابي ما جنت مهتمله وجانو 5 اشخاص يدخلون بعضويتي
الشي الي سببلي مشاكل وية الادارة
ولا اكدر اكول مو اني السويت هيج
ولا اكدر امنع اصداقائي يدخلون بحسابي
فقررت ابتعد فترة عن الدرر
ولو النظرة بقت . بس حاولت احسن هاي النظرة ونجحت نوعا ما .


الاداري ميفرح او يشعر بفخر من يحذف مشاركة او موضوع
او حتى سامر يكلة عفية .
بس مثل ما كالو الاخوة هو حتى متصير مشكله
او حتى يبقى المنتدى منظم .

واكثر الاحيان من الكه موضوع مكرر
اكتب الصاحب الموضوع بالتقييم
موضوعك مكرر
حتى هو يحذفة بيدة تجنبا للأحراج .

وحسب رأيي
من اول تواجد الي من 2014
ولحد هذا اليوم
الادارة الحالية الين والطف ادارة شفتها
من حيث المرونه
جنه كبل اذا نكول يا الله يحذفوها
ويكتبلك روح جدي خارج المنتدى



اما مسألة منتديات اخرى
اتحدى اي شخص يسوي منتدى
بنفس كفاءة وجودة وتقنية درر العراق
صح اكو من منتدانا هناك راحو
بس فترة ويتفلش حاله حال الجنت بيهن اني قبل
واكيد الكل اله هنا تاريخ وذكريات
مو من السهل تتركه بسبب شي ميسوه مثل حذفولي مشاركة لو موضوع
ومو دفاعا عن سامر الله يشهد
بس هو حتى حطلك منتدى للشكاوي
محد يشوفه بس انت وهو
وعندك شكوى على اي نائب تكدر تشتكي
صح يجوز يلكالهم مهرب النوابه
بس مو معناها شكوتك تمر مرور الكرام على النائب .

وبمناسبة المنتديات
خل احجيلكم هاي المزحه

دخلت على منتدى
وجان الكه عضو مسجل هنا وهناك بنفس الاسم .

اجيت هنا سألته كتله ولك شنو هنا وهناك
كام يحلف ويتكفر يكلي مامسجل بغير منتدانا
ما صدكته
رحت هناك وبحثت عن اسمي
جان الكاه مسجل هناك

الفكرة
ترة مو صعبة يسرقون اسمك
ويسوون عضوية بيها هناك
حتى اليدخل جديد ميحس بالغربة


بالاخير
الاداري كلشي ما محصل غير المذمه الله وكيلكم
وحتى الاعضاء تكوم تتجنبه
مادري ليش ؟



على كل حال
لازم نكون متفهمين ولينين
حتى منخلي بعض الذين في قلوبهم مرض
ان يدسو السم في العسل .

الله بالخير فقار ..
اعيوني انت ايدك الك من حذف لغلق لحظر
ها اشلوني هسه؟

[عضوية122513]

ماكو اي مشكلة بلنسبة لي
الدررر موقع جدا جميل ورائع
والي بي ناس حلوين وحبابييين

[basher4]

كولشي حجيته وارد جدا لكن هالنقطة شوية موواضحة

المنتدى فيه تدخل واضح بخصوصيات الاعضاء
يختلف العضو س مع العضو ط خارج المنتدى ينعكس سلبا على المنتدى

شوف بالدرر بالنسبة النا كادارة خصوصية الاعضاء والمحافظة عليها حتى ضمن المعلومات البسيطة المتاحة النا من لوحة الادارة مثلا او حتى من خلال علاقاتنا الشخصية مع الاعضاء هذه اهم عدنا من المنتديات والمواضيع كلها ..لكن اذا شغلة صارت سين حجى لصاد وامن على اسراره يمه وراح صاد سولف لواحد اخر وتم الموضوع خارج الدرر فهالموضوع يبقى ضمن حياتهم الشخصية لذلك ابدا مانتدخل ومو من حقنا هذا الشي ابد


اما بالنسبة للقوانين يمكن العضو الجديد يشوف بيها صعوبة سالفة الصورة الوحدة ممنوعة مثلا لكن ليش ممنوعة ؟ احتمال الصورة مع مرور الزمن تنحذف لذلك الزائر يدخل للرابط مايلكى شي وايضا بنفس الوقت ندور ع الجودة يعني موضوع سطرين او ثلاثة تره مايسوى حجز رابط علمودها ندور على مواضيع متكاملة تسر الجميع ..وويه الاستمرار بالموقع ووياها مرونة المراقبين مراح تعوفنا ابد
اما المشاكل فماكو مكان يخلو منها حتى بالبيت الواحد ويه اهلك مرات ازعل ويه امي اسد غرفتي واعوفها وساعات وارجع اضحك واحشش هههه..


وحياك الله

لكن هالنقطة شوية موواضحة

المنتدى فيه تدخل واضح بخصوصيات الاعضاء
يختلف العضو س مع العضو ط خارج المنتدى ينعكس سلبا على المنتدى
.....
الهكلية والتنظيم للمنتدى فيها خيارات متاحة بشكل مفرط للمسؤلين
ومحددة ومقيدة للاعظاء بشكل كبير
وهذا عائد كله بالتصميم الاساسي للمنتدى ، شهادتي مجروحة لبعض النوائب الذين يعالجون الاخفاقات هنا وهناك
ولديهم القدرة وسعة البال لاستيعاب الجميع على اختلاف امزجتهم وقد لمسمنا هذا من خلال بعض المشاكل
التي حصلت وكانوا سبب ايجابي ،
لهم مني كل الاحترام
النقد احدى طرق العلاج
على العموم انا راضي عنكم....

[Gardi]

مرحبا . اجتني الدعوة خاصة لهذا الموضوع على للتلي كرام جنت ناوية انام والله بس ما راح ارد الداعي ( اتمنى محد يرد بعد ردي فكل الردود بعدهُ تبريرات بدون جدوى )

كوني عضوة من ٢٠١٢ يعني قرابة ٨ سنوات عاصرت الدرر بكل الفصول
وكنت مراقبة هنا لقرابة ٥ سنوات الدرر هو المكان الاول الذي ننتمي لهُ

١- الخطأ الأكبر يتحمله سامر . سامر ولا غير هو الأساس هنا ( سامر وضع قوانين وهذه القوانين تصب بترويض العضو ليكون عبداً وعلى الإداري ان ينفذها وعلى العضو ان يقول حاضر

٢- وهذه رقم اثنان هم يتحملها سامر . سامر من يختار اداري (مراقب مشرف . مراقب) يحاول يحابي ويراضي وحتى اذا يخطأ بس المهم نشيط ويجيب زوار وتفاعل . من يقل نشاطة مباشرة راح يتغير الوضع ويحاول يتخلص منه حتى يصعد اخر وهكذا ( الإداري لازم يحاسب كونهُ هو عامل هنا بأرادتهُ بدون اجر مهمتهُ ترتيب تعديل لا التسلط عجبه يكون ودي اهلا به معجبه الله وياه وهذه لازم سامر ينتبه الها)

٣- وهذه هم يتحملها سامر ( سامر ميهمة الاعضاء بقدر الاعضاء النشيطين فقط الاعضاء النشيطين خط احمر والبقية لا شيء ) وهذا يخلي البعض يستفحل ويطلع عضلات من الاداريين

٤- الغيرة والتنافس على المواضيع معرف على شنو هذا التنافس يعني اكو نائبة تقاتل وتعارك الكل في سبيل ان تكون هي الاولى والمميزة بالزوار وهذا خطأ خيرة الاعضاء راحو منهم محمد الساري بسبب المضايقات وعدم احترام الجهود

٥- العلاقات تلعب دور انت حبيبي وصديقي يصيرلك منصب ومحباه حتى اذا تلمح تغلط تتعارك عادي . واذا عادوك يطحنوك طحن ياخذوك اكس ومربع حذف وتنبيهات حتى اذا مغلطان يدورون حجة هههه ( قبل هل وقت كنا نختار الإداري حسب نشاطة وثقافتة وكون ماعندة علاقات شو هسة كلشي متغير )

٦- العلاقات الغرامية خلو تحتها خط احمر . كثرت بالآونة الاخيرة وهناك اداريين يستغلون مناصبهم لعمل علاقات وجذب البنات او بالعكس وهذا خطير بحيث يشعر العضو بعدم الأمان وان كل جزء من الدرر هناك كمين

٧- اكو اعضاء نشيطين يستحقون ان يكونوا اداريين محد ينتبه الهم وفجأة تلكي واحد بدون نشاط ولا حتى مستوى علمي صاير اداري فجأة كأنهُ حكر على المقربيين

٨- التسلط من الإداري الي يخولة سامر بمنصب مدير تشوفة رأيه ولا غير المهم ميصير عيني استماع الآراء واجب ثم يطبق الأصلح ( وحتى من يتخذ قرار تحسة ركيك جداً جداً

٩- الكلمات الجارحة والمهينة لبعض الاداريين . والاستهزاء بالاعضاء يعني كارثة احد الاعضاء مرة انطاني حسابة دخلت شفت احد الاداريين داز رسالة اله كفر والله وتبين شكد هذا الإداري مستهين بالعضو

١٠- كل الاداريين بدون استثناء ميستحقون ان يكونون اداريين (حتى لو كنت انا ولو انا من ٢٠١٦ تركت ) لا توجد انسانية . الوجه العطوف للبعض ظاهراً وبالخفاء منهم وحوش كاسرة ( انا وحدة من الاعضاء تركت الدرر ورحت لمنتدى اخر بسبب تنمر احد الإداريات . كنت امر بوقت ومحنة صعبة لم تقدر ذلك وانا الصديقة هنا من ٢٠١٢ لكن الحمد الله الايام تظهر معادن البشر )

١١- عدم احترام وتقدير الجهود . ابدا محد يحترم الشخص الي قدم واعطى لسنوات ولا احد يذكره اصلا

هناك الكثير وهذا بعض

وصراحة اقولها ادارة الدرر باعتراف الكثيرين ادارة فاشلة تحتاج الى تقويم وأساسها احترام العضو وفقط

تحياتي

[Suzana]

نايا اقري كل تعليقاتي...ما بية حيل اعيد نفس الكلام.
بدل ما البحث عن اعذار او تبريرات لهذه الاخطاء عليكم العمل على معالجتها وعدم تكرارها.
ست سوزان تكول ما يهمها اذا ترك الاعضاء المنتدى! وتتكلم كأنه اكو منافسة بيني وبين غيري بكثرة الهفوات!
اني غلطت وما انكرت هذا الشي وتسببت بمغادرة اكثر من عضو للمنتدى.. لكن هذا مو سبب كافي حتى تكون هناك اخطاء لدى الكادر الحالي. صححوا انتو اخطائي باعتباركم اصحاب القرار الان واستفيدوا من تجربتي فالانسان يستفيد من تجاربه وتجارب غيره.
اكيد القلوب مفتوحة لبعض واحنة اصدقاء مو اعداء..
وهذا الموضوع هدفه تذويب الخلافات بين كل اعضاء المنتدى..مو تسقيط بعضنا البعض

ههههه كلامك شحن للاعضاء محمد وكولش متناقض كل شوية جايني بسالفة اتناقض رأيك السابق اكولك حرية شخصية ايكولي سوزان مايهمها مغادرة الاعضاء .. يا اخي ومازلت انادي حرية شخصية ..حرية شخصية ..مو مهم المنتدى كله عساه مايعزل وينترك المهم حرية البشر يا اخي كل انسان حر بالمكان اللي يحب يكون به مو اجي اني افرض رأيي ع الناس واعتدي على حرياتهم الشخصية ...مستحيل هالشي

المنتدى مكان للراحة والتسلية والمعرفة وبث مشاعر المحبة والود فقط

[Suzana]

تسجيل متابعة ولي عودة ان شاء الله

اتنورنا..كل الهلا عبدالله

[د. حسن سعيد]

خوية خلي أنطيكم إياها طك بطك لأن روحي طافرة من هالشغلات، شوفو هسة كل هالكلام والهوسة السويناها، بالأخير يفوت سامر بطبيعته الباردة يعالج الموضوع بأسلوب مستبد يكلكم (هذا يعجبني وهذا ما يعجبني و....) ويتعاقب كم مسكين ، هاي سوالفه مال قبل ما يتغير لو تطلع الشمس من الغرب، الاستبداد عند سامر وآركي المجرم ههههه سبب أكثر المشاكل هنا ، ذكرتوني بسالفة مرة كنت مشرف منتدى اللغة العربية ردت أتحول للمنتدى الثقافي لأن شفت نفسي بعد ما أملك المعلومات الكافية لإدامة النشر بمنتدى اللغة العربية .. كتبت هالشي بمنتدى الشكاوي كُبَل اجاني آركي يكلي (هل تحاول تجربة الاشراف على كل المنتديات؟ أما أن تحسن عملك في منتداك أو تطلب ترك الاشراف) صراحة شفتها اهانة بصورة منمقة كلت خلي أرجع لأهل الدار أشرف لي مع العلم غيري من العضوات صارن مشرفات على أكثر من منتدى يعني بدلن المنتدى اللي كانن يشرفن عليه،

[عضوية122513]

مرحبا . اجتني الدعوة خاصة لهذا الموضوع على للتلي كرام جنت ناوية انام والله بس ما راح ارد الداعي ( اتمنى محد يرد بعد ردي فكل الردود بعدهُ تبريرات بدون جدوى )

كوني عضوة من ٢٠١٢ يعني قرابة ٨ سنوات عاصرت الدرر بكل الفصول
وكنت مراقبة هنا لقرابة ٥ سنوات الدرر هو المكان الاول الذي ننتمي لهُ

١- الخطأ الأكبر يتحمله سامر . سامر ولا غير هو الأساس هنا ( سامر وضع قوانين وهذه القوانين تصب بترويض العضو ليكون عبداً وعلى الإداري ان ينفذها وعلى العضو ان يقول حاضر

٢- وهذه رقم اثنان هم يتحملها سامر . سامر من يختار اداري (مراقب مشرف . مراقب) يحاول يحابي ويراضي وحتى اذا يخطأ بس المهم نشيط ويجيب زوار وتفاعل . من يقل نشاطة مباشرة راح يتغير الوضع ويحاول يتخلص منه حتى يصعد اخر وهكذا ( الإداري لازم يحاسب كونهُ هو عامل هنا بأرادتهُ بدون اجر مهمتهُ ترتيب تعديل لا التسلط عجبة يكون ودي اهلا به معجبة الله وياه وهذه لازم سامر ينتبه الها)

٣- وهذه هم يتحملها سامر ( سامر ميهمة الاعضاء بقدر الاعضاء النشيطين فقط الاعضاء النشيطين خط احمر والبقية لا شيء ) وهذا يخلي البعض يستفحل ويطلع عضلات من الاداريين

٤- الغيرة والتنافس على المواضيع معرف على شنو هذا التنافس يعني اكو نائبة تقاتل وتعارك الكل في سبيل ان تكون هي الاولى والمميزة بالزوار وهذا خطأ خيرة الاعضاء راحو منهم محمد الساري بسبب المضايقات وعدم احترام الجهود

٥- العلاقات تلعب دور انت حبيبي وصديقي يصيرلك منصب ومحباه حتى اذا تلمح تغلط تتعارك عادي . واذا عادوك يطحنوك طحن ياخذوك اكس ومربع حذف وتنبيهات حتى اذا مغلطان يدورون حجة هههه ( قبل هل وقت كنا نختار الإداري حسب نشاطة وثقافتة وكون ماعندة علاقات شو هسة كلشي متغير )

٦- العلاقات الغرامية خلو تحتها خط احمر . كثرت بالآونة الاخيرة وهناك اداريين يستغلون مناصبهم لعمل علاقات وجذب البنات او بالعكس وهذا خطير بحيث يشعر العضو بعدم الأمان وان كل جزء من الدرر هناك كمين

٧- اكو اعضاء نشيطين يستحقون ان يكونوا اداريين محد ينتبه الهم وفجأة تلكي واحد بدون نشاط ولا حتى مستوى علمي صاير اداري فجأة كأنهُ حكر على المقربيين

٨- التسلط من الإداري الي يخولة سامر بمنصب مدير تشوفة رأيه ولا غير المهم ميصير عيني استماع الآراء واجب ثم يطبق الأصلح ( وحتى من يتخذ قرار تحسة ركيك جداً جداً

٩- الكلمات الجارحة والمهينة لبعض الاداريين . والاستهزاء بالاعضاء يعني كارثة احد الاعضاء مرة انطاني حسابة دخلت شفت احد الاداريين داز رسالة اله كفر والله وتبين شكد هذا الإداري مستهين بالعضو

١٠- كل الاداريين بدون استثناء ميستحقون ان يكونون اداريين (حتى لو كنت انا ولو انا من ٢٠١٦ تركت ) لا توجد انسانية . الوجه العطوف للبعض ظاهراً وبالخفاء منهم وحوش كاسرة ( انا وحدة من الاعضاء تركت الدرر ورحت لمنتدى اخر بسبب تنمر احد الإداريات . كنت امر بوقت ومحنة صعبة لم تقدر ذلك وانا الصديقة هنا من ٢٠١٢ لكن الحمد الله الايام تظهر معادن البشر )

١١- عدم احترام وتقدير الجهود . ابدا محد يحترم الشخص الي قدم واعطى لسنوات ولا احد يذكره اصلا

هناك الكثير وهذا بعض

وصراحة اقولها ادارة الدرر باعتراف الكثيرين ادارة فاشلة تحتاج الى تقويم وأساسها احترام العضو وفقط

تحياتي

اتفق معكي جدا
ووصلتي الي اريده بس استحي جنت اتمنى اكوله الهم
بس اني عكسج بشيء واحد انه انا فقط هذا المنتدى عندي
وكلامج كلش حلووو وصحيح

[Suzana]

الله ع مواضيعك يا اصيل ^___^

يصير اسولف بدون تكلف ؟ شكراً ^_*

اعتقد رأس المشكلة هي من سامر ، سبق و چان الي نقاش بسيط ويا سامر لمن چنت مشرف القسم السياسي و الي لاحظته من تعامله ويايه انه انسان كلش منفتح و مرن الى اقصى حد ، تركلي الصلاحية بتغيير قانون القسم واتباع المنهج الوسطي بعد ما كان القسم عبارة تيار صدري و محور المقاومة ^_* ، هنا واجهت مشاكل مع الاداريين من نواب و مراقبين و رفضوا هذا التخويل بتدخلهم بالقسم و هذا خله سامر مشكوراً في وقتها ينزل موضوع ويكتب بي بصراحة القسم تحت مسؤولية انسان ثاني فقط

هنا شنو استنتجت انه سامر مرن والبقية رجعيين بقراراتهم و سامر اختارهم اداريين لأن ما لگه غيرهم ، المهم افترت الايام و سبحان الله قبل كم يوم حيدر العراقي جاب رابط موضوع سامر يتكلم بي شون يختار الاعضاء و سامر كاتب نصاً انه يختار الادارة وفق نظرية (الروبوت) الي يكون الاداري من خلالها ولائه الاول والاخير لسامر شخصياً ويعتبر كلام سامر هو كلام معصوم ويجب تطبيقه بكل حذافيره ، هنا عرفت شنو سبب هذا التعنت بالاداريين لان تعرفون اجيال تسلم اجيال و اذا عرف السبب بطل العجب

اعتقد الي شذوا عن هذه الحالة هي فقط سوزانا مو لان صديقتي بس لان تحب تجتهد وما تصير رجل آلي و تنطي مرونة كبيرة

لكن هذا شيء ما يعفي سوزانا من الخطأ لانه احنه نعرف ان سوزانا مديرة ويا سامر من اول يوم تأسس بي الدرر و هنا نجي ع المصيبة الثانية وهي

اخطاء سوزانا الكارثية : حتى اكون مُنصف سامر تقريباً صارله ٦ سنوات منسحب (بسبب ظروفه الشخصية من دراسة و مشاغل) ومسلم الادارة بيد سوزانا ، اخطاء سوزان تتلخص في اختياراتها للاشخاص الي سلمتهم الادارة ، كلنه ندري انه كل النواب السابقين و الحاليين همه اختيار سوزانا وهي صعدتهم وفق نظرة خاصة بيها ، واني بعتباري صديق الها جنت اشوفها احياناً تعالج الخطأ بخطأ الى ان يتفاقهم ، سنة ٢٠١٦ الي هي سنة دخولي للدرر چانت عودة سوزانا و بوقتها بحسب شهادة الجميع انه الدرر رجع لنشاطه وحيويته وبدليل حتى اكثر عدد تواجد بالمنتدى حالياً هو بهذيج الفترة ، سوزان اشتغلت من گلب و رب ، صالحت هواي اطراف متخاصمة ، رضت الكل ، والكل يحبها فـ يسوي خاطر لكلمتها

الي صار بعده انه سوزانا بدأت تغلط مرة ثانية بـ اختيار الاداريين ، وهذا شيء ما اعتقد هي تنكره ، وهذا كان من اسباب ابتعاد البعض لان يشوف فلان غير كفوء بهذا المكان ، يگلك مو اني الي يجيني هل شخص ويهددني بتطبيق القانون بس حتى يثبت وجوده..

نقطة اخرى هي غرور كادر النواب و كانهم انبياء الله المرسلين و اقتصار مشاركاتهم بقسم الشكاوي فقط ، انا عضو لمدة سنة و شوي وما چنت اعرف كل النواب ! لان اصلاً ماشايفهم


طولت بكلامي كلش بس هذا كلام من شخص مُحب لسامر و سوزانا وادري بيهم حيتقبلوه برحابة صدر ، الموضوع حالياً بيدهم بس همه الي يگدرون يصلحون الي افسدوه عمداً او دون عمد .



هامش ، ما قريت اي رد بالموضوع بس انا متأكد حيستغلوه هواي ناس للتسقيط بخصومهم ، ياريت لو يكون اكو وعي بالكتابة حتى فعلاً نلگه الحل ، راح احاول اقرا كل الردود و ان شاء الله الي مشاركات ....

بالعكس سامر كولش حباب ومتفهم وحيادي ..
وانت بعينك شفت من طلبت محد يتدخل بالسياسي
نعم سامر يميل لشخصية معينة ان تكون ولائها اله وتنفذ اللي يطلبه لكن مع ذلك ناطينا مساحة حرة نحكم بيها عقلنا بعيدا عن قوانينه الوضعية لذلك في كل مواضيعه يدعوا للمرونة بتنفيذ القوانين ايكون تعاملنا انساني مو مهمة القوانين بقدر مامهم الانسان ذاته ويكون مرتاح بتواجده..

اما بشأن الاختيارات فياصديقي رامي ماكو انسان مثالي ومن ضمنهم المتكلمة.. لكن اكو شخص يحاول ينسق الامور ويرضي جميع الاطراف عنده وقت وخلك اكثر من غيره واكو شخص ينفذ القوانين الوضعية الجاهزة امامه ..
الموضوع انعلن ع الجميع وكوليتنا هدفنا تصحيح الاخطاء او الهفوات بمعنى ادق ونسعى دائما للرقي ..
تحياتي رامي