المشاركة الأصلية كتبت بواسطة Suzana
حياك الله صديقنا ..
بالنسبة للهجرة الجماعية دااتخيل انه احنا طيور هههه لا ترة ماكو هيج شي كلها موجوده بس مشاغل الحياة والاوف لاين
اللي ممكن يكون بسبب خلاف مع عضو مو شرط مع الادارة..
لا عيني اكو هجرة جماعية وانتي تعرفين بهذا الشي..مشاغل الحياة هي نفسها فمو منطقي يرتفع نشاطهم بمنتدى اخر ويكون قليل هنا
النقطة الاولى الك:منافسة الاعضاء في مجالات النشر واستخدام الصلاحيات لاحتكار النشر في مجال معين. سابقا دخلت في معركة مع احد النواب وتمكنت من منعه..لكن من حولت نفسي لاهل الدار لم يبق من يمنعه فعاد الى سلوكه القديم. هذا التصرف جعل بعض الاعضاء يشعرون بالظلم ولم يكن هناك من ينصفهم او يستمع اليهم
*ماعدنا احتكار بالنشر كمواقع او اخبار من مصادر معينة هذا الي وهذاك الك العضو الاسبق بالنشر موضوعه الاحق بالبقاء وماشفت شكوى من قبل العضو المعني بخصوص هالموضوت او اتعرض للتهديد عدا الشكوى اللي انت قدمتها لسامر واليه ..
محمد عيناي بالنسبة النا سامر مثلا او اني مستحيل نسمع شكوى من غير العضو المعني بالموضوع ومانسمح لعضو يتكلم عن عضو بغيابه مانتقبل هالشي مطلقا لذلك اهملنا الشكوى وايضا احنا نعرف هالشخص على خلاف سابق مع النائب ويكتبله تلميحات سلبية او يصرح علنا بمدونته
اللي عنده مشكلة يجيني ايكولي تعالي ياسوزانه هيج صار وهيج صار اما مشكلة وتنحل من واحد لواحد ماعدنا هيج شي لذلك اهملنا الموضوع مع اعتزازنا الكبير بك محمد
شخصيا تعرضت لهذا الموقف.. نشرت كم موضوع عن الامتحانات المدرسية واحد النواب راسلني يطلب مني اتوقف عن النشر معتبر هذا الشي منافسة مني اله..ومن رفضت كتبلي ( هلكد الحقد والكره مالي قلبك بحيث تدور اي طريقة تضايقني بيها) طبعا ما يكدر يتصرف وياي بوقتها لان كنت بالادارة.
اما المدونة فما كتبت اي تلميح سلبي عن اي شخص..انتو وحدكم فهمتو ( الغباء الاداري) و( الخروف ) كلمات تعنيكم واخذتوها على انفسكم.
النقطة الثانية:التدخل بحياة الاعضاء الخاصة و تهديدهم باستخدام الصلاحيات الادارية اذا لم يقللوا من نشاطهم بالمنتدى، بما يتنافى مع واجب الاداري..تكرر هذا التصرف ثلاث مرات حسب علمي. والاغرب من هذا الفعل هو تجاهل سامر وسوزان للشكاوي على هذا النائب.
*مافهمت اشلون يتدخل بحياته الخاصة اشلون يعني الاداريين يسئلون انت منين لو ا شكد راتبك لو متزوج لو لا لو شكد عندك اطفال
اذا هيج مو من حقهم طبعا التدخل بالحياة الخاصة وجنت اتمنى لو كايلي بالاسم افلان يتدخل بحياة فلان لكنت اتدخلت وحسمت الموضوع..
نعم سوزان كان الكلام لاحدى العضوات بهاي الطريقة ( انتي ما عندج بيت زوج اطفال حتى اربعة وعشرين ساعة بالمنتدى) وبوقتها كنت اني بالادارة والعضو المعني اشتكالي وتعاركت مع النائب ولكن سيادته هدد يترك الادارة.. وكلمت سامر بالموضوع لكن ما حسم الموضوع واكتفى بالقول ( هذا النائب دوم هيج وما يتغير)!!
التقليل من النشاط نفس ردي ع النقطة الاولى العضو يقدم بنفسه شكوى والادارة تتصرف اذا العضو ساكت وباقي يسولف يم هذا وهذاك تره مراح ينتصر لقضيته ..يخسر طاقة كلامية اضافية وحقه مغبون ..اكرر قسم الشكاوي مفتوح لغرض الشكوى حتى على الاداريين وانا منهم..
تعرفين قسم الشكاوي ما يحل مشكلة طالما الانصاف غير متوفر لدى الكادر الاداري.
الاستخفاف بمشاعر الاعضاء وجرحهم في موضوع الترقيات الادارية...تكرر اكثر من مرة وكان السبب لمغادرة ثلاث اعضاء للمنتدى.
النقطة الثالثة : الاستخفاف بمشاعر الاخريين شنو مدا اتلاحظ انك تستخدم كلمات مؤثرة بقصد اثارة مشاعر الاخريين بصورةسلبية ؟
الترقيات الادارية تتم بالاتفاق والاتفاق يتم عن طريق التصويت وكلمن عنده وجهة نظر بخصوص العضو المرشح مايصير نتجاهلها وتره هي لا رواتب ولا شي مرات اكو اعضاء يشتغلون احسن من الكادر نفسه عندك احمد العثماني مثلا ورماد وقاص الاثر ووسام وسارة البابيلية الحقيقة الكثير من الاسماء لا هامهم لون ولا منصب ..العضو يفرض نفسه بشخصيته بمواضيعه بعلاقاته الطيبة مع الاعضاء ..تره الحياة قصيرة جدا ومراح نعيشها مرتين واذا نقضيها هم وغم خسارة لانفسنا اولا وللاخريين..
اعتقد احدى العضوات كتبتلكم هنا عن استياءها..
لا سوزان مو دائما تتم الترقية بالاتفاق. وبداية خلافي مع الكادر السابق من تجاهلوا اراء النواب وقاموا بعزل بعض الاداريين بقرار فردي. وبعدين صعدوا اداريين اخرين ايضا بقرار فردي وبدون ما تنعرض الاسماء على الادارة. وحتى سامر هم حاول يبرر هذا التصرف لكن ما اقنعني.
نعم المنصب مو مهم..لكن لمن الاداري يستخدم صلاحياته لمصالح شخصية ( مثل حجز روابط او غيرها) ساعتها تظهر قيمة المنصب
*التطبيق المفرط للقوانين ومتابعة الاعضاء متابعة دقيقة...وللحق والانصاف هذه النقطة اتحمل مسؤوليتها شخصيا وكانت خطأ كبير اثناء ادارتي للمنتدى خصوصا مع تجاهلي لتنبيهات سامر وسوزان
تره الاداريين يعتمدون على القوانين واهواي كتبلهم سامر سابقا اهم شي المرونة تره هذه القوانين مو ألهية ولازم تنفذها بحذافيرها كونك ملتزم دينيا وكذا لا ابدا الانسانية فوق كل القوانين الوضعية ..ممكن ماكو مرونة عادي لا انت ولا غيرك ولا النواب يكدرون يوازنون بين الامور ويرضي كل الاطراف بنفس الوقت اصلا لو تنشال القوانين اهواي افضل ونحكم مبدا الانسانية بالتعامل ..
وراح اشتغل على هالشي
هاي النقطة كانت انتقاد ذاتي اتكلم بيها عن نفسي
التعامل بازدواجية في تطبيق القوانين وخصوصا الترقيات الادارية.
جاوبت سابقا
من الازدواجية انكم تضعون شروط للترقيات الادارية وعلى اساسها تستبعدون اشخاص من الوصول الى مناصب ادارية...لكن هاي الشروط ما تطبقوها على الكل وبالتالي نشوف اشخاص فعلا غير مؤهلين ولا تنطبق عليها شروطكم..لكن بقدرة قادر يوصلون الى اعلى المناصب!!
مثل كم مراقب سابقا استبعدتوه عن الوصول الى منصب نائب لكن ما يملك شهادة جماعية؟ حاليا شكد بالادارة ينطبق عليهم هذا الشرط؟ للاسف بس انتي!
كم شخص تم رفضه ضمن الادارة لان مواضيعه قليله! شكد نواب صعدوا وما عدهم لا تواجد ولا مواضيع ولا مشاركات ولا متابعة؟
النقطة الاخيرة يمكن :ماكو تواصل بين الادارة والاعضاء.. باستثناء سوزان اللي تصرف اغلب وقتها مع الاعضاء وتستمع الهم ولمشاكلهم، باقي اعضاء الكادر الحالي والسابق ناقصهم بس يحطون سكرتير واللي يريد يحجي وياهم لازم يقدم طلب قبل اسبوع. على كيفكم عيوني ترا هو لون اليوم الكم باجر لغيركم
لا اخي مو هيج اصلا اني تواصلي قليل وحتى انت تدري شكد يكتبولي ع المسنجر وماعندي وقت ارد وبس اكول الله يساعد بعض الاعضاء يكتبولي واحيانا ماعندي وكت حتى اتنفس مو حتى ارد وعدنان الواثق يشهد هع
بالنسبة للبقية لا اخي كولهم عدهم تواصل وعلاقات طيبة مع الاعضاء لكن يبدو انك تلتقي باشخاص ضايجين من الادارة فانبنت عندك فكرة خاطئة عن الموضوع ..
لا عيني اني اتواصل وية اغلب الاعضاء وما عندي فكرة خاطئة.
ولا تنسين اني كنت بالادارة والكثير من الاعضاء كانو يشتكون من عدم تجاوب باقي النواب وياهم.
وسابقا كتلج التواضع اذا مو بمحله يكون تكبر فلا تتواضعين
وتحياتي
