هنا

[فقار الكرخي]

ياحلم يتشلبه عيني
وجايب رسومك رساله
وانه خايف خاف اصحه
ومااشوفك
فدوه بديني اعله گلبك
خل نزيد الطين بله
المايفز سكران منك
لايفز ويعيش عله
فدوه بديني اعله زلفك
ماي بارد خل اكزبر
خل اهد روحي اعله گلبك
وداعتك تعبني گلبك
انت ياضحكات عمري
موهس الدنيه بضحكتك
وانت شنهي
انه اول مره اشوف الطير
لو راد الامان يچيك يختل
وانه اول مره اشوفن ضحكه تكتل
وانت روحية نهر
تتغنه بحلوگ النوارس
وانه حاير چيف تمشي
وانت من تمشي يخَظر كلشي يابس
انت يالصوتك ربيع
يفزز بگلشي الخظار
يفزز بروحي العشك
والوين طيره وشارده وملتهبه نار
يمته اشوفك
واترس الدنيه مراجيح وهلاهل
يمته اشوفك. واسمع اسمي
المره صوتك تنشز باذنه تغاريد البلابل






غيث ال علك

[ريـــم]

مشتاكلك والليل وحشه ودمعتي تنزل ثكيله ...

[Haidar Iraq]

حلو ..
شكراً لك ..
​

[آية الساعدي]

تراافة

[الخامري]

جميل جدا سلمت يداك