هنا

[الشاعر هاني حماده]

ما بكينا دموعا بل دماء
----
بداية هل القصيده العلي الهادي
كتبناها يجرحنه ودمع بادي
عهد خطينه بيها انضل ننادي
لك الارواح نهديها فداءا
----
شيعه احنه على الفطره اجينه
نزورك ياحبيب الله ونبينه
نشم اتراب گبرك ياولينه
وفي الدمعات نعطيك ولاءا
----
عفنه الدنيا كلها اهجرنه البيوت
وبحب الولايه صحنه فد صوت
علي الهادي يريت ابدالك انموت
الى الموت سنبقى اوفياءا
----
ما ننسه المصيبه الفجعة الكون
ابفعل غدر الايادي اتباع هارون
ابحقدهم گاموا ابدارك يفجرون
فهاذ حقدهم ابك السماءا
----
گبرك فجروه وأنت مسموم
وعيون التحبك صبت ادموم
واحنه من الضمير انصيح هل اليوم
صرح قد هوى يشكو البلاءا
----
عهد للمولى نقره من الضمائر
وعد للموت نحيي هل الشعائر
عن فطره ابعقيده ابكل مشاعر
فلن ننساه لا ننس العزاءا
----
الشاعر هاني حماده البلداوي
1 _ رجب - 1440

[Haidar Iraq]

احسَنت ..
شكراً جزيلاً لك ..