هنا

[فقار الكرخي]

لتصدگ يمرنا بيوم نسيان
ونچذب لو نگول الصار ناسين

جروحك من تطيب اتعوف نيشان
مثل حنة جوامع عالحياطين

وتعلمنا درس من هاي الجروح
شنهي السيف لوما قبضة الأيد

شما يعلة العنب منگول منلوح
نعت غصنة وتجي مدنگة العناگيد

ونشف ماي النهر ماحاجة سابوح
ولحگ تمر النخل وين الصواعيد

كفانة انگول نار وهي دخان
ونقرة الخوف بوجوه الحياطين

نضل چم دوب محطوطين نيشان
ونودي نذور لحلوگ السچاچين

وزرعنا العود عود ايخضر العود
ويمد چفة غصن ويشگ التراب

السنابل دنگت وتريد حاصود
وبقى ابيت البلابل ينعى الغراب

إذا ماكو بعد للثار هادود
بعد ليش وعليمن نسرگ الباب

حطونا سهر بعيون نعسان
وزرعونا أثل نحمي البساتين

تظل وگفة الدلال بوسط نيران
وتدنگ من تجي يم الفناجين

ورجعنا نگول سهلة نعوض الراح
لأن وكت الحچي واحدنا منشار

وإذا صارت دموع نصير تمساح
وللسكتة افتعلنا أعذار وعذار

ونعاين عالزرع بعيون فلاح
نشوفة ايموت بس بعيدة الأنهار

سَجين آنه صحيح وانت سجّان
انة وياك بالمنطق مساجين






سمير صبيح

[Haidar Iraq]

جميل ..
شكراً جزيلاً لك ..
​

[،،،،،،،،،]

شكرآ جزيلا للجههد صديقي

[انثى مخمليةة]

عاشت ايدك