هنا

[Laraa]

بزمن صدام ما كان اكو إيجارات ومولدات وكشفيات طبيب مع ال 3000 دينار كانت سويسرا يمكن وماندري!
هيفاء حسوني اشترت بدلة ب 6500$

لا بربك ، صدگ هالشكل تجاوب
عزة اكوله راتب هالوكت وين ينصرف يكول بزمن صدام وين اكو مولدات وايجارات

معقولة فهمك لهدرجة !!!

[د. حسن سعيد]

لا ليس اغلبهم هناك الكثير لم لينتمي للبعث والدليل رفحاء الصمود

عاد لو صايرين بعثية هَم أشرف ، خوش رفحاء الصمود مِن بوك ميزانية الدولة وتجويع الشعب ، ملاعين السَلْفة شردو مثل الأرانب من صدام وشبعو فلوس بالخارج ورا ما سقط صدام ملعون الوالدين صارو رياجيل براسنا وإجوي ينتقمون من عدنة جوّعونا فوك جوع صدام مَشعول الصفحة ، يا اخي اذا انت مو عراقي ولا تدري بالصاير شجابك تتدخل

[د. حسن سعيد]

لااعتقد لمقتدى مشروع او استثمار او ياخذ شيء من وزراءه او نوابه هو مجرد رجل دين ولو تعلم او لديك معلومات عن هذه المشاريع أو الاستثمارات اذكرها لنا

اسأل أهل النجف وكربلاء والكاظمية يجاوبوك

[basher4]

ههههه وعن ساندرا وصوتها العذب لا تنساها

والله يا اخي سالفة اتجر سالفة لحد مانرسالنا على بر

لا اتدخل في شؤن العشاق
لو يدري داومنه بثلاثة الاف وطبقة البيض بالفين ونص .

[Haidar Iraq]

(المشاركه الأصليه كُتبت بواسطة عاشق ساندرا )
هيفاء حسوني اشترت بدلة ب 6500$

عَلمت وكالة الأنباء قَبلَ قَليل ..
عن وفاة الأعلاميه( هيفاء حسوني ) ..
وقالت الوكاله .. بأن هيفاء كانت مدعوه لحفل زفاف ..
وكانت ترتدي بدله سعرها( 6500 $ ) ..
وبينما هيّ تسير من ضمن المتواجدين في الحفل ..
قذفَ عَليها احد الأشخاص من خلال المَزح ..( شمعه من الشموع الموجوده في الحفل ) فألتصقت الشمعه في ثوبها الجميل .. مما ادى الى احتراق الأعلاميه ووفاتها في موقع الحفل .. واشارت الوكاله .. بأن الأعلاميه تحدثت قبل وفاتها .. عن الأحلام التي كانت تراودها .. وهيّ غير مرتاحه لهذه الأحلام .. التي طالما ترى فيها .. اشخاص ينظرون لها من باب الحَسَد .. لما هيّ عليه من امكانيه ماديه .. وشقق .. وسيارات اخر موديل .. انتهى ..

عاشق ساندرا .. ليش حطيت عينك على المَره ..؟؟؟

هاي الك ( ) ..

[عاشق ساندرا حاج]

عاد لو صايرين بعثية هَم أشرف ، خوش رفحاء الصمود مِن بوك ميزانية الدولة وتجويع الشعب ، ملاعين السَلْفة شردو مثل الأرانب من صدام وشبعو فلوس بالخارج ورا ما سقط صدام ملعون الوالدين صارو رياجيل براسنا وإجوي ينتقمون من عدنة جوّعونا فوك جوع صدام مَشعول الصفحة ، يا اخي اذا انت مو عراقي ولا تدري بالصاير شجابك تتدخل

الدولة عطتهم هذي الامتيازات مثل ما للاستاذ الجامعي والطبيب امتياز بأعتبارهم هم من قام بالانتفاضة الشعبانية

[د. حسن سعيد]

QUOTE=Laraa;7603267]
لا بربك ، صدگ هالشكل تجاوب
عزة اكوله راتب هالوكت وين ينصرف يكول بزمن صدام وين اكو مولدات وايجارات

معقولة فهمك لهدرجة !!![/QUOTE]
حلوة هاي (عزة) ، تذكرني بالطالبات لمن أكربهن بتحضير أبو 7 صفحات ويشتغل البجي ههههه
يا أخي شعليج بيه ليش تضوجين منه انتي موظفة راتبج 25 مليون بالشهر ضامتهن علينا وجمالة حتى لفة فلافل ما تعزميني شنو هاي ؟
الأخ ميدري بالوضع الواكع من الطابق الخامس، واحتمال يدري ومغلّس، أكثر الموظفين رواتبهم دون المليون، وأكثر هذولة اللي دون المليون دون ال500 ألف، النقل والمولد والرصيد مال موبايل والنت وأسعار الأكل الغالية تخلص الراتب من أول لو ثاني أسبوع، وهذا يكلي رواتبكم،

[ثامر الحلي]

على بختك عاشق ساندرا مو حتى دماغي نضرب شرجي من وراك
يااخي انت شعليك بالعالم هذا اللي يوازيك على الشيفاز

[د. حسن سعيد]

الدولة عطتهم هذي الامتيازات مثل ما للاستاذ الجامعي والطبيب امتياز بأعتبارهم هم من قام بالانتفاضة الشعبانية

اذا الدولة كلها بيدهم طبعاً تعطيهم هالامتيازات، زين لعد لتنتقد صدام والبعثيين لأن أيضاً الدولة أعطتهم امتيازاتهم باعتبارهم قامو بثورة ضد حكم عبد الرحمن عارف العميل حسب نظرهم، ثُمَّ أي إمتيازات للأستاذ الجامعي والطبيب تتكلم عنها؟!!! الأستاذ الجامعي يذبح نفسه دراسة وبحوث ويصرف كومة فلوس على نشر كتاباته بمجلّات عالمية حتى يرضي جناب وزير التعليم العالي -التعليم الواطي بالمعنى الأصح- تاليها راتبه ما يوصل 3 ملايين ، والطبيب والمحامي ما عندهم أي حماية شبعانين خطف واغتيالات وكوامة عشاير و...

[د. حسن سعيد]

نسيت أكول لك يا عاشق سوسو الحاتة محسوبك أستاذ جامعي بكلية أهلية راتبه 500 ألف دينار ثلثه يخلص على النقل لأن يشتغل بكلية أهلية بعيدة عن سكنه 20 كيلو متر، واذا تعيّن بالحكومة رح ينطوه 960 ألف بس يشعلون صفحته وصفحة ال... بالكرب، ونسيت أكول لك ترة هو كفيف البصر إجت حكومة رفحاء قطعت عنه راتب الرعاية الاجتماعية اللي كانت تنطيه واللي وزارة العمل بدأت تصرفه اله سنة 2000 بس وقتها كان 5000 دينار يكفيه أما قبل سنتين من قطعته حكومة الانتفاظة الشعبانية فكان 50 ألف حتى كراوي ميكفيه مع ذلك قطعوه وسرقو منه الوظيفة مرتين كل هذا لأن أبوه المتهم سعيد رضا مرتكب لجريمة امتلاك بيت اشتراه بعد ما خلص 15 سنة بالشغل و10 سنين بالعسكرية ، ولك عمي اسكت لتخلييني أكفر بالسياسيين أولاد ال... حذاء الاعلاميات اللي ما عاجباتك يشرف أشرف واحد بالحكومة القذرة، ورحمة لموتاكم يا ادارة المنتدى لتعدلون الرد ولا تحذفوه الا يجي عاشق سوسو الحاتة يشوفه ويرد عليه