ساعة نويتوا أعلل سفر ما نمت ليله
يحسين يابويه الدمع فجر مسيله
ادري اليسافر لو دهر
يرجع لون طال السفر
واني عليله ما نمت ليله
***
من يوم شد عزمه الظعن للغاضريه
غيم المدامع والحزن چلچل عليه
ليل الوداع اشگد صعب
عافوني وبعيد الدرب
واني عليله ما نمت ليله
***
ظعن الهواشم من حده بعزاز گلبي
گلبي عليهم دم نزف وعيوني تربي
وشگد بچيت اشگد صحت
أتمنه وياهم رحت
واني عليله ما نمت ليله
***
والي الظعينه من حده بظعن الهواشم
ودعني واني ودعت ظعن الفواطم
عن عيني من غاب الظعن
موحش صفه بعيني الوطن
واني عليله ما نمت ليله
***
ابچي واصيحن ياهلي لا تعوفوني
وياكم أبتالي الظعن خادمه أخذوني
ترضون أضل بعلتي
ترسم صوركم دمعتي
واني عليله ما نمت ليله
***
طفله عليله والمرض لازم أعتابي
كل ساعه يرميني سهم وذكر أحبابي
للدار احاچيها بدمع
يشرحلي بجفاهم وضع
واني عليله ما نمت ليله
***
عن وضعي لوردت العتب مسموح أعاتب
وعتابي وي غيرة علي أليوث الحرايب
يرجع الراح تأملت
ضيم وعذاب تحملت
واني عليله ما نمت ليله
***
هاني حماده البلداوي
9\ ذي الجحه \ 1440
رد مع اقتباس
المشاركة الأصلية كتبت بواسطة انثى مخمليةة
