حمد يمه
( حمد )
حمد يمه
العبي التوگع يفرع كل هوى يمه
شبعد تمشي شمعز شوفك ولاخمهه !
حمد يمه الرفاگه غيوم بس حزني ولالمهه
حمد تاني
الهلاهل من تطش ماتعتلي بصوتك ..
يبعد انه الدروب استاحشت موتك !
حمد وجدامي نگلة اخ تاذيني
حمد بالشيب تانيني
عله متوني انچفت كل المناير دم
وگول ابني
من اطيح عله الكصب غبشه عطش يندم
حمد يمه
الحليب ايهفي لشفافك
حمد وضلوعي من تبرد ادفيهه غنه گبالك
حمد حضني شمس يستورح خيالك
حمد للثوب خيمه عيون تانيني
الچفوف الماترد شوفك صليب دموع
النجوم الماتهز رمشك بگايا شموع
حمد والشيله من تثگل رهينه ليل
خذت لوني مهي الدمعه ندارة حيل
حمد يمه
الدلول سبگت حيلي سفر للمادره عيونه بكتر ياشط
حمد والوچد جروحه نزف يفحط
مهو الما غرب بحزني عله ياهو يصيح خيعونك
حمد هونك
حمد لاينمسح لونك
يخايب هيد مابيهم يرسمونك
حمد چنه نفس مبيوگ من طولك
حمد يوليدي تانيني
البچي فانوس للمايندل جدامه بدرب ياليل
شجاه الناس صدگت شوف
اجيس الغربه بعيوني
حمد كل اصبع يسبگ شمع خايف لعد بابك
وغنيلك يصوت الروح لومانعش قمصانك
يبعد مگذلات الفاضن بروحي سفر للشيب
يبعد المستحه العطشني من يصدفني هرش العيب
يبعد الحيهم الوكفت مطر ع الباب
يابعد الملاعيب بحضن طفلك كبش لوترد ناذرهن
حمد يمه
عله ياهي تريد تتعنه !
يشيط بكل جِدِم مني حرگ جنه !
حمد يامسچ سولفلي ..
الضفاير بدت رموشك كحل لليل چا وانه
الچراچف ماتريدك چَ حرير تنام چا وانه
الدشاديش انطوت من طولك الخدران چا وانه
المصابيح ابضواك تفز يبعد الشوف چا وانه
چاا وانه
وي دگة باب ادگ ضلعي
لگيت البوب تعبانه
لگيت چفوفي حدر زياجي خلصانه
اتيهنك ندى بصدري وسافر ع النهر صبخه
احشملك خضار وجوه ونت اولافرض عينك نهر صله
حمد يمه من اهد ماضيعت دمك
ونه طولي ركض حنه
حمد يمه
حمد يمه
م
رد مع اقتباس
