ومضة وبيت ، اشعار شعبية قصيرة 2020 ، شعر شعبي عراقي
حزنه ونشغت الدمعه
وگب بينه الحزن للناس
ريحة تتن ترستنا
وكت چان الجفن ينباس
وبدينه إنشغل المتعوب والخنگه
سحبت چفك وصوتك
بدن ينون عله الفرگه
كتبنالـك يَفَي تشرين
عشگنه الما يفض حيره
ولگينه الغربه من إتروح
مو سفرة ونِس ديـره
ما تقره حچي النيـه
ما تكتبلي من ليلك
فرح دنيـه
هلبت منك إغنيـة
ضگتك
من گصيت إوياي مو يمـي
ضگتك من كُبر همـي
غنيتك يچف غربيل من لاح البرد متني
من ردتـك خلگ للـبال
زلگ بچفوفك إيهدنـي
گلبك ما نوه إيحبني
عاندنـي
وبرودك ماي يكتل حرگـة إظنوني
أنه بدونك عشت ذبلان
وإنت إمنسم إبدونـي
يهلبت گايل إشلونـي
يهلبت تنشرب گمره
يهلبت طيفك يفزز
قصايد حرگتي السمره
مدري إمنين اجت عينك
وفز بيه العشگ حولين
للجـنه
إشبعد من العمر وأگضيه أتمنه
باچر للشـلب خطار نفزع ماي
باچر غيم يشبگ غيم
من تتگاود إنت إوياي
كـافي أستنگـه بس الباع
يمته أنحب
يمته إعله الچراچف غاد
بـوس أنذب
يمته مراجـف النشوة يطگ بيه
عشگ لـ إنسان
شني العيشـة وسمار الليل
لو ما شمـة الرمان
بعدني اعگد شكو إمراية تضم وجهك
عله إعيوني
وبعدني ، إحبيبي اگل للناس
اذا عنك يسألوني
وإذا باعوك
ردلي وخل اشم طينك عله متوني
يما تدري الفرح زتات لعيوني
منين يوصلني خبر منك حنين
ويمته الگاك واسولفلك عشگ
وداعتك دفتر صفه إگليبي عليك
وفوگ متروك بزويه ومنطبگ
رد مع اقتباس
