يريت الليل بي سجة واوصلك حلم خدران
جيم عين البدت بيها ولا شفتك...
واجيلك صوت ما مهيوب واتفنن بسالفتك
يا وجهي الطلع بالماي جنت صغير بس الروجة رسمتلي تجاعيدي
*كبرت آنة وصغر عيدي*
والعطشان لعيونك شرب طاريك بس غص بمواعيدك
ولا تهتم القطار متاعه فركه ومن يجوع يروح
والمفارك يظل يحلم
واليستحي يشوف احلامه مبيوكات من ينام يتلثم
كطعوك وقنعت شلون
الوردة التنكطع مرات بس تنكطع ما تنشم
شبيها الروح تتمنه
شبيه وعاشرت نسمات يلوذن وين ما كصبه تلفيهن
يلبسن ثوبهن ونه
انت جفوفك بجفوف غيري تبات
وانه جفوفي على خدود الجوامع شخبطت حنه
شحاجيكم ؟ وآنه أدري سوالف الكفار ما تنكال بالجنة
اي ولله وغلاة الشاعر من يموت
تخرب كشخة الكيعان كلما ينرفع تابوت
آنة وي التعال اخوان تربطنة علاقة صوت
انه ابن الهوه الما رجعت مخنوك
ليش تعز علي نسمه
لفني بعمرك وخليني اردن شاب
والمع بيك واكسر واهس النجمه
جاااي أشتاااااك
بعد مااابيه حيل فراك
دبرلك درب جيه
جنه بكلشي مختلفين ..بس كظيت كلبي بخوف من اختلفت النيه
ولك بس الله يعرف شيطيح لو جفك يهز بيه
انه بروحي عشك من ينجفي اعله الكاع ذرات التراب تصير ورديه
رااايح ووين
الكحل ما يرهم لكل عين
يابن الطين امنظوكك جني ضايك ناس جنهم هسه مخلوقين
رااايح وووين
والبيبان تبجي جفوف
يترجية ذهب غشوك مو كل الولاد زلوف
رااايح ووين
ليش لشوفتك متحزمين حزام
ليش الليل ظل ينطي الحلم للمايعرف ينام
يناسيني ردت احلم بغيرك واستحت عيني
احسبني مطر وخليني اروي شفاك
تعال بطيف مرة وجلب بعيني
احسبني خمر والليل بعده طويل واشربني
واذا ما سكرك ابجيني
سجج ودروب خدرانات
وعيوني بدموع الناس غفيانه
مشو واهتزت الدنيا مدري الدنيا هم تحب وبهذاك الليل سكرانه
طينة مصوفرة تخاف القطار يروح جاسوهه وطلعت انه
وثلج يلتف على الركبة
جم نسمه احتييت من طبت بكصبة
راحوا وانجفيت احساس
وفزت بيه جم عتبه اشتهت تنجاس
البرد موخوش صاحب للبرد وحدة
وبرد اليوم ذكرني بمشاعر ناس
ناس ...استكثروا من شافوا بشفتي رسم ضحكه
ومدري شلون شو سافروا بيه هواي وبروحي ولا سجة
زياد البصراوي
رد مع اقتباس
المشاركة الأصلية كتبت بواسطة زَهرةُ اَلشِتآء
