ابوذيات في حب الحسين عليه السلام
شجاه قاسي الوكت بينه بلانه
ومزن الجور زخ جوره بلانه
اموت بحب اليمه بلانه
الف موته ومگول احاه شويه
-----------------------------------
*********************
ألف موتـة متت ابداً مگلت آه
ورغماً عالوكت صابر مگلت آه
عگلي بحب ابـو اليمة مگول تاه
هايم بالعشگ لأبن الـــزچية
***********************
*****************
حب حسين والعترة .. مـلانه
وكاس نشربة بالكوثر .. ملأ إلنه
چم طاغي بطاغي مر .. مّلانه
لأن ما گدر يمحي الفاطميـة
*****************
بحور امحبتك يحسين ماجن
وجن ليل الولاء وغيره ماجن
عابس لوله حبك چان ماجن
مثل عابس غرامك صار بيه
بحب حسين واهل البيت جنيت
وبمحبته الغالية من الليل جنيت
فخر وكبرياء بأسمه جـنـيت
لأن أصل الوفة وأصل الحميـّـة
---------
يبو اليمه وحگ مسلم وهاني
احبك لاتظن حبك وهاني
بالمحشر سعيد انه وهاني
شفيعي انته يبن سيد البريه
منقوووووووووووول
رد مع اقتباس