المشاركة الأصلية كتبت بواسطة فقار الكرخي
انت عفت العركة
وعفت هذا الحصل بوكس على حلكة
وعفت هاي الناس الحواجيز
ورحت تركض عالصخلة
خل احجيلك هاي السالفة
الحجية اجتي من العمرة ورحت للجوبة داجيب طلي
وكصاب
حتى يذبحه فجران دم او مدري شيسموها لأن ياهو اليجي من العمرة او من السفر يذبحولة طلي
وقبل ما اوصل يم الوكفة مال الحلال
جان اشوف الناس تركض
ويصيحون الزمو حتى لو تضربو بس خل يوكف
وجان يفوت من يمي خروف يمشي 160
مهزوم من يمهم
اني بالسيارة وصعدو ويايه وكلولي مروتك الحكة
وطرت وراه
وصلت يمه وهو يركظ وجان ادعمة
وصار جوة السيارة وكفت لكيت الدعامية متفلشة
وكرونة طابة بالراديتر والطلي فاقد الوعي
كامو يحجون مو هيج على كيفك
هذا مات وبعد ماينباع واحنه خسرنه
اصعد انزل خسروني 250 الف واخذت الطلي
هو بي روح بس مغمض عيونه
كلت اني اول وتالي مشتري طلي
اخذته للبيت اذبة وارجع اجيب الكصاب
امي شافته كالت هذا شبي
كتلها جي حاطه بالجنطة تخربط
رحت بسرعه جبت الكصاب واجيت
لكيت الحجية حاطة محكان مال نفط بحلك الطلي واديرلة ماي
المهم وديت الباجه حتى يهلسوها
وجان يلكون بلاستك براس الخروف
ضلو صافتين داخو بي
منين اجه هذا البلاستك
شلون دخل براسه
عود البنكة مال السيارة متفلشة براس الخروف
واخوك يروح يبدل راديتر ومروحه
ب 140 الف
مو طلي صار علية بشدة
رد مع اقتباس
