عزيمه معدلة الكل يجي
هلا بيكم ب مضيفي
وقبل العزيمه حبيت احجيلكم سالفة
على ما يستوي الاكل
هاي فديوم اني وصديقي جايين من الدوام بالسيارة وبالطريق شوية ازدحام اني جاي اسوق وصاحبي كاعد بالصدر
وقبل منوصل للبيت اكو بنية دتمشي
ومنا ازدحام دنمشي على كيفنه
اشو هذا صاحبي ذبلها حجاية صجمها
ولك هاي شسويت ليش هيج هاي عود انت الفقيركلي سوق انت معليك
طبعا اني مو نبي بس ما اتحارش ولا اذب حجي ابد بس اباوع
انوب ازدحام واني امشي اصير يمها وهو ها يبنيه اصعدي نوصلج
وثالث مرة هم مدري شكللها
وجان تكمز
كالتلة مو صوجك صوج السايق الكلساع يوكف ويخليك تذب حجي
بسيطه اني اعلمك انت التسوق
ضليت واكف مقهور وعاتبت صديقي كتله مع الاسف تحطني بهيج موقف وتخليني احصلي حجاية والصراحه صدك انغثيت
شوية وكفنه ازدحام ومشينه وهم جان نصير بصفها
ومد راسة من الجامه وكللها السايق يسلم عليج ويكول اشتريلها جارجر
جان تكول تروحون منا لو اتفل عالجامه واخليكم اسبوع تجلفون بيها ما تطلع
ولج شنو تفله او سكوتين
جان تكلي اني اعلمك .
المهم وصلنا البيت مغثوث
والله المغرب وجان تندك الباب
باوعت بالكامرة الحاطها بالباب
ولن تطلع هاي البنية نفسها وياها امها
كلت انلاصت والله
خل افتح الباب واحاجيهم يروحون لاتطلع امي وتصير فضيحة
طلعت ولنهن يخزرن بيه وين امك ابوك عمامك
يابة والله انتي مفتهمه غلط بالقران
توسلت بيهن يسدن السالفه ماقبلن
كالت نطلعك من الموضوع ونجلب بصاحبك
تعال دلينه بي
يابة ما اعرفة هذا هيج عبري
اني سايق تكسي كالت لو انت لو صاحبك وراح نروح ونجيك باجر نريد خبر على صاحبك
لو يجوك عمامنا ويتفاهمون وياك
ولا اكدر انطي بصاحبي
ولا وضعي يتحمل فضيحة كدام اقاربي وجواريني
والله ثاني يوم العصر وية طفية الكهرباء اندكت الباب
كلت اجاك الموت ياتارك الصلاة
ولن هذا صاحبي والبنيه وامها وجان يكلي فقار السالفه كبرت ولازم اهلك يدرون بيها جان تسمعه امي
طبو كعدو وكالت ام البنيه احنه صاحبك هو الدلانه على بيتكم احنه ما نندله
هو البارحه جابنه وكال هذاك بيتهم واجيناك
جان اكوم
كتله الصاحبي تفضل اطلع وجريته من ياخته وطلعاه برة وكتله مع الاسف حاسبك صديق
وهو يكلي فقار انت هواي تحارشت بيها
ورجعت طبيت للبيت لكيت ام البنية والبنيه وامي يضحكون
ولكم شكو
جان تكلي خاله هذا ابني وهاي بنتي
وهاي دائما نسوي مقالب
بله شحجي وياها صارلي يومين بطني اسهال
لا والمشكله ابنها الجفته راشدي
المهم اليوم اكو سوء فهم بسيط
بين ثكال المنتدى
بين سوزان
وبين Mohammed K.F
وحبيت اعزمهم واياكم على سمج
ونسمع منهم شنو كل واحد حاط بقلبه
واكيد ومتأكد قلوبهم انصع من بياض الثلج
وانتو الاعضاء عليكم شغلتين
تثردون
وتوجهولهم كلمات
بكيفكم شتوجهولهم بكيفكم
نجي عالعزيمه
هذا السمج رماد كصكصه بالسجينه
وهنا نايا كعدت تنظف بالسمج
وهاي نفرين كباب دجاج ولحم
خاف محد يكدر ياكل سمج
وهذا الهبيط الزين لأن اعرف العراب والرميثي يحبون الثريد
وهنا لكيت هيفين ماخذة فخذ
وكاعدة تاكل بسكوت وصورتها
هاي العزيمه على شرف محمد وسوزانا
الشكر الهم
يعني الهم تشكروهم عالعزيمة
يعني تجون تاكلون وتشربون
وتاخذون مني تقييم وتروحون
الخاوليات معلكة بالزاوية خاف تغسلون
رد مع اقتباس
المشاركة الأصلية كتبت بواسطة زَهرةُ اَلشِتآء
