غالين ورخصنه اگبال مو غالين
أول مره أحب ياليل
عرفت نفسي صدگ عاشگ
من صار التعب يمشي بطريق الحيل
ومن تلاگت النجمه وشمس فجري
وما متلاگیه رموشي
عرفت إني أحب ياليل
يوجهك مثل طاريي . . ما ينجاب
ياااا اول صدگ چذاب
تمر قمصانك ابالي
وافزلهن حظن دولاب
طحت بين المطر والريح صم تراب
واگل ل روحي ذله الزين
غالين ورخصنه اگبال مو غالين
وكت طاح السفر بالروح
گال افلان مشتاگیین !
ووكت عميت اجه شايل كحل للعين
اي يادمعي بللني أهو الفلاح
يكشخ من تطخ هدمه سوالف طين
ومدري منين مو من ناس
أحس بروحي مدري منين
من اتغيب گایلك
طولي يصير سبابه
ودربك كله ندمانين
عسل مريت من كظ العطش ريجي
ولگیت شگد نوارس حاطه بجرفك
ولا عندك خلگ للیل
ارجعلي ورجع الشال
يگصر عمري كل ما طولت زلفك
بهليومين اشو حليان
صاير چنك اني قبل لا أعرفك
شجاع الحليحل
رد مع اقتباس
