سر ياقلم مالي على الصبر طاقه
سر ياقلم مالي على الصبر طاقه
ســر ياقلم مالي على الصبر طـــاقه
صبري تعدى الحــد ما عاد ينــطــاق
أكتب لمثلي قصته واشتيــاقـــه
في خطك الواضح على بيـض الاوراق
قصة حزينٍ صـافـي الحــر ذاقه
اليا تذكر ماجــرى خاطــره ضاق
باقو به الاصـحـاب والوقت باقـه
وصار الضحية بين بايق وبواق
يمشي وهو ماحـس في كسـر سـاقه
اصبح على ساقين وأمسى على ساق
أحــدٍ يعيــش بخــير وأحــدٍ بأعــاقه
وأحــدٍ يعــوق أيـــام وأيــام ينعاق
و أحدٍ معه حكمه ، وصبر ، ولباقـــه
سبحان ربٍ للمخـــاليق خــلاق
لكن ياللي معك صبر ورواقـه
أنصحك كان إنك للأمثال تشتاق
صــادق رجالـن يعرفون الصــداقه
يقفون صفـــك يوم يبسات الأريـاق
من يرغب فراقك فعجل فراقـه
جاز الذي يجزيك إفراق بفـــراق
وتعلم التعشـــيق قبل الســواقـه
لا تحسب انك بالدركسون سواق
يقوله اللي جاير الوقت عـاقــه
ولا زال في غيبوبة الهم مـــا فــاق
حظه لقشر شي للنفس ساقه
بقبور الاحياء ينتظر يوم الاطلاق
رد مع اقتباس
المشاركة الأصلية كتبت بواسطة ĵÔҚËŕ
