اهنا يهل شايل خطيتي
ماني گتلك..
خلّي نيتك چلمة الله
الدرب فاهي ابغير نيّه
اهنا يهل شايل خطيتي
النيّه سدره ابيت سيد
بيها تلگه النبگه حوبه
وتلگه گمره ابكل ثنيه
وسافرتلك...
سافرت بجناح هلبت
سفر طيف ابلا وصيه
ومالگيتك... !!
مالگيت البيّه بيك... ولا لگيت البيك بيّه
وماني گتلك
گتلك النيّه تشوّر..... تبني بكتارك ضريح
وكل بخت...... سور اعله حضره
ينثلم........... بس مايطيح !!
وكل بخت.... ( تنور فقره )
الخبزه كعبه...... ابراس المجبّح تصيح
وردت احصدك شوگ هرفي... وما حويتك !
وين الوحك..؟
ونته ريشه امعلّگه اعله اجناح ريح
لاسكن ريحك عصاري
ولا أسدّن باب ريحك واستريح
وگتلي أنزف .....ماشلتني
وگتلي مجروح .. اولمتني
ونته خشبه ابلايه دم
اشلون اسمّيك الجريح ....!
كاظم العطشان
رد مع اقتباس
