هنا

[فقار الكرخي]

شرد اكلك وأنه
كل جروحي منك
وادري شايل غيري متنك
وادري ناسك تحجي عنك
وادري بيه يخيب ضنك
وماكمت تفهمني چنك
لا___ والتكتلك
انسه روحي من الگه حضنك
وانته مو ذااك الاحبه
الجنت اشم تراب دربه
الغيرك سلمته ربه
كمت اضم عليه سوالفك ليش
وأنه رويحتي على انفاسك تعيش
ياهو الكلك العاگول اكشخ من بياض الريش
گبل تحجيلي حتى سوالف الطيش
اي ليش
كلما تبرد ضلوعك
يكبر بيه موضوعك
وحاول كلش اتلافاك بس المشكله دموعك
ترجعني واجيك بواهس ألعشاگ
وركض ركضت الناطور
من يسمع حلاله أنباك
أمنيتي اكعد اسولفلك
واكض ايدك واباوعلك
واكلك
شخذت مني وعفتني متون تعبانه
شخذت مني وعفتني عيون ذبلانه
وطحت مثل الجمل كثرت سجاجيني
واخ شكد شفت بس ماحجت عيني
وكلت تهون تخلص بأجر تعدي
وعشت مثل الرصاص مرأفگ الجندي
وعفت كلشي ونسيت جروحك ونوحي
ولكن حزت بروحي
وعاتبيتك
من لگيتك تضحك لعين الغرب
وشتهيتك سالفه وعينك درب
ودوريتك بين كل شامت محب
وادري بعيونك حرب
وباوعت بيك ع كيفي وكلت اجرب خلي اطب
يانده وطيح على كيفك شوك ألمفارگ حطب
بيك سوالف تحير كتابي واعرف اليقراك گبل ليخلص يشكك
وبجيني الدمع هم زين
واضحكني على گد خلگك
شوكت متريد زعلني
هنه جروحك لجمني
شحلاتك من تعاتبني
وصدگني
ألعشگ مايبرد بذني
هوه اليزعل يسامح
وأنه من گد مانطرتك تارس دروبك ملامح
حسسني بجودك كلشي بيك اندل
لفرع راسي حد الشيب وخلي جروحك تهلهل
واكلك بالسنابل تكره المنجل
ونرد ثنينه متيهين
ونكول شلون مخلوقين
نضل نتمنى ذاك الطين
عينك خلهه للحبك
وعوف الوادم وربك
ويشوفي معشعش بدربك
كلهم مو وجه رحمه مابيهم وجه شراي
من ذكروك اباوع للوجوه هواي
ولا بيهم شريف وياي ؟
يمن خليتني اترياك
يم وادم حلمهه أنساك
ضدك كلهه ماكو وياك
وادم تامل بوادم
تغفى وتكعد على الدم
مو تفاحه عض آدم
ابتلينه وشفنه درب الموت بينه بكل كتر هادم
أحس بروحي مو روحي .
غريب وسلوتي بنوحي .
التميزني جثتي جروحي. .
وله انه منهد فركاك مابيه ملامح شاب
وانه ليل وصبح وغروب كاضيهه على ذاك الباب
بلكي الله ويمر طاش
ويلكه ضلوعي الك فارش واكله حبيبي مايرجع
ويسولفلي عذر مقبول بلكي الله وصدگ واقنع













م

[سمراء من قوم عيسى]

الله الله
انتقاء رائع

[انثى مخمليةة]

الله

رووعه