هنا

[ارجع يازمان]

ابسرعه يالله !!



يالله يالله انطيني دوري
ابساع لا شَمسج تغيب

اليوم يا دور الأمثله!!!
وأرضه بالقسمه ونصيب

دور اَخوج أولو صَديقج!
لو يضَل دور الحبيب!

كَملي للحلقه الأخيره
يالله كَملي ابلا رَقيب!

وهَلمسلسل شوفي غيره
خَله جمهوره كَئيب!!


يالله العبي بالمشاعر
لعب دنيه اِويه الغريب

المهم وَثقتي اديه!!
حتى أضل يمج قريب

مو مهم اني شأفكر!
لأن تفكيرج رهيب

ساعة اشوفج ثلج جامد
ساعة بركان ولهيب!!

وساعه اشوفنج حمامه
وساعه تنكلبين ذيب!

أبد ما مستقره مره!!!
اظنونج اتودي اوتجيب

انتي صَدكيني مَريضه
وتستحقين ااالنَحيب!!!

ومثل قصتج أكو واحد
نفسج ابطبعه غَريب!

وجان هَم عنده انفصام!
ومن دعه رَبه المجيب

راجَع الدكتور هسه
ومابقه اشويه ويطيب

وانتي وضعج حاله صعبه
جربي بلكي الله وتصيب

روحي يامسكينه هسه
ابسرعه شوفيلج طَبيب

بقلم
حسين الساعدي


منقووول

[كبريائي قاهرهم]

عاشت ايدك يا راقي
على جميل الانتقاء
طرح في غاية الروعة
لا حرمنا القادم من جديدك
ودي وعبير وردي

[ارجع يازمان]

عاشت ايدك يا راقي
على جميل الانتقاء
طرح في غاية الروعة
لا حرمنا القادم من جديدك
ودي وعبير وردي

وسلمك الله ودامت روعتك
الاخ الرائع كبريائي
شكرا لك مع اجمل التحايا