يمته وليش وشمالك وعليمن صار البالك
حتى المايعرفك هم عليك اسئل
تهت والفشله ماتختل
وإني بروحي مااندل
وكلشي الخاطرك مسموح بس بالك تكول انذل
يلمعودني انام بصوتك شلون
اذا مو بالصور ماتغفى العيون
لاطيف اليمرني ولارسالة شوگ
وانه اعله الدرب معلوگ
شمعه ولاگت متون
ولاگمره ضوه روحي ولانجمه الحجت نوحي
تهت مابين كل موعد
وعفت ع الشجر مكتوب يمتى ترد
يمتى تهد رسن شوگك
يمتى تطيح على الشباك واكشف للضوه فتوگك
ويمته وليش وشمالك
وعليمن صار البالك
بعد بيه غنى لطولك
ياحريمه نباكت الجلمات من فوك الشفايف
وياهضيمه سنين أحبك بس بعدني وياك خايف
ليش موجنت على مايك
تختصر وامشي على رايك
مشامر العافك يذلني كون اجيسك من تون
ليش رافكت المحطه وجانت عيوني وطن
مسحت متون كل غلطه وگلت تعبي
تعب كادود تاعبلك
وغلاة السبعه حالفلك
لاتبطي
انته اول مكاتيبي العفت بيهن شكو بگلبي
انته اول تعب ينباك من دربي
انته اول رساله باب يدفعهه الهوه وتطلع
انته اول جرح كلما يمره الليل يتوسع
يهواس وجه المعزب
گلولي العلاقه اتضيع لوثالث وسطكم طب
ورغم كسرك ولاعفتك
يحارم طيفك بعيني
انه اجندوب أسولف لله عشريني
المناجل حبت جفوفك
واجيتك سنبله بلا براي
وين ادري الندم عثره
ونزف جرحي
وبجيتك
م
رد مع اقتباس
