مرمرتني ولوعتني وعذبتني
عمري خلصته على وينك
وضاعت أحلامي على عينك
وانته ذاك الضيعتني
وجنت تكدر تملك الدنيا بنظرتك
ومرمرتني ولوعتني وعذبتني
ولايهمك
وانته ذاك الترست الوادم ضحكتك
وأنه مثل ألبير بيه شكد حجي
ومن كثر ماطاعني حجيك كمت ع صفاحي انتجي
يلي مأخذ مني كلشي وأنه ماخذني البجي
ليش ماكتلي من الأول جان مافكيت صدري
وجان ماعفت الليالي تمرجح دموعي على خدي
انا شاريك على كدي
وانته بايعني على مدري
لفني ترچيه ع زلفك
هواي وادم مااحبهه استهضمت من جابو اسمك
يضحكه وسالفه وموعد
ويدمعه تمرجحت ع الخد
سولفلي
مو كافي العمر يرگض
مو كافي على صدري ترض
على ساعه وبينه ملج الموت مدري ليا جفن غمض
العمر والناس والمدري وحلم روحك
كل ذني طلعن ثلمه
من اصفن واشوف الموت اغم اليزعل بكلمه
ومن دورة گفاك تبين الحبوك
فرق بين البجولك والصدك بجوك
موكتلي شكثر مابيك لهفه وحب
حبني بگلبي راح اطب
يماي عيوني لاتعتب
جا گتلك تره المفروض
حلال الخبزه لليتعب
شما حاول اكرهك تعرض عيونك
وارد لأول لرساله البيهه مجنونك
وأذكر نسيت اسمي وترست وجهي لشلونك
يابخته الينام بحظن اليحبه
ويابخته الكاله بنادم لكلبه
دنيا وتكضي مدري شلون
لاروحي الرضتلي ولابجتلي عيون
كون اليفتهم مايزعل بعمره
الزعل شيفيد وأنه ايام مطشره
غربه
ولا بنادم بالصدك باسك
تحس بيهم
لجن ماحسو احساسك
لو ما وكتك التعبان جا هسه السمه براسك
لم روحك يگلبي الناس موناسك
عباس كاظم
رد مع اقتباس
