غَـــــــــــرَبت بعيونهم وإنا شمس
وصارت الفركَة مآسي وبيه أحس
وغَيبتك مرمرت حالي شرد اكَول
وغَّصة الخذلان تحبس كل نفس
انا علمته العشكـَ يعني الوفاء
نطيته مفهوم ألوفه بصيغة درس
انطي ومجازاتي بس نوح ونين
منين أجيب أحساس للي ما يحس
وياي كَاضيها مآسي من زمان
ويه غيري يعيش دنياه بعرس
وي غيري ناعم يعيش بوداد
وطبعه بس وياي منبوذ وشرس
والسبب سوء اختياري من هويت
جان هاوي الغير شتله ومنغرس
جسد يمي حاضر ومن غير روح
منين أترجه ألوفه وحضي نحس
تحياتي
أنا أخوكم
قاسم البهادلي
حلو
عاشت ايدك شاعرنا
عاشت ايدك
عاشت الأيادي ..
شكراً لك ..
كلماتك تخترق جدار الروح بحثاً عن القلب
سلمت الانامل والبوح الراقي
عاشت ايدك
المشاركة الأصلية كتبت بواسطة sawsanmahmoud
حلو
عاشت ايدك شاعرناشكرا من القلب لجمال الحضور
سلمكِ الله
عاشت الأيادي ..
شكراً لك ..
وكل الشكر والتقدير لشخصك
كلماتك تخترق جدار الروح بحثاً عن القلب
سلمت الانامل والبوح الراقي
حياك الله ياغالي
حضورك محفز جدا شكرا لك وسلم الله قلبك
رد مع اقتباس