هنا

[Nazkul]

قصيدة:اخر جمادي
الشاعر:حمزة السماوي
الزمان:ليلة 13 جمادي الآخر 1441
المكان:العتبة العباسية المقدسة
طور قصيدة: #وداع_الاكبر


آخر جمادي تنتهي يا عالم الرحله
فاطم وفاطم واللقاء بشارع القبله
*********************
صوره بخيالي تنرسم تتلون بحسره
فاطمه الحره من تلاكي فاطمه الزهره
بموكب احزان وينطلق من شارع السدره
شافن ملامح كربلاء اهوايه متغيره
الصعبه قبل جيتهه صارت عالبشر سهله
فاطم وفاطم واللقاء بشارع القبله
*********************
حسين البقه بالهيمه هسه انفتحت ابوابه
كبه ذهب مرقد ذهب متحول اترابه
تشعر الزهره والوفيه اعليهه الاكتابه
دونت اول كلمه آ يحسين ومصابه
الما عاف ربه ما يعوفه وكلشي يحصله
فاطم وفاطم واللقاء بشارع القبله
◼◼◼◼◼
لمخيم الحره اجن ويرتل المدمع
تلكَ بيوتٌ اُذنَ الرحمنُ ان تُرفع
لكل خيمه شباج وملائك تسجد وتركع
كل خيط منهن صحن للحاجات يتوسع
ماتت النار وعاش خدر الزينبي بفضله
فاطم وفاطم واللقاء بشارع القبله
آثار زوار
◼◼◼◼◼
صاحت الزهره نعتني لعباس ابو الكلفه
اتشوف النخيل اصبح مناير لايذه خلفه
شالت الرايه كبته تعويض عن جفه
الكله جروح اليوم صاير بابه مستشفه
مرجع الحاجه اية الله وكلهه تندله
فاطم وفاطم واللقاء بشارع القبله
◼◼◼◼◼
صحراء جانت كربله واتشوف تاليهه
صارن ابيوت وبالوفه انعرفت اهاليهه
بسم الحسين ارتبطت وصارت اساميهه
كل كربلائي يفتخر حقه انولد بيهه
مو ساده بس سادة عزه صارو مثل اهله
فاطم وفاطم واللقاء بشارع القبله
◼◼◼◼◼
قبل النهايه يم مقام الصاحب الدمعه
يقرن دعاء الندبه يارب عجل الطلعه
ماتَ التصبر بنتضارك ارحم البضعه
وام البنين اتريد ثوب حسينهه ترجعه
من البچي اعيون انعمت وارواح متحمله
فاطم وفاطم واللقاء بشارع القبله
◇◈◇⇩.........⇩◇◈◇

[Haidar Iraq]

شكــــــــــراً جزيــــــــــلاً لــــــكِ ..
​