هاي شنو بشار مامقبوله منكالمشاركة الأصلية كتبت بواسطة بـشــــار
هاي شنو بشار مامقبوله منك
اصدقائي لابد من اعطاء الوقت الكافي للاخ الكريم وبدون ضغوطات رجاءا ..
تتراهن راح يجاوب نفس الجواب الي أبالنا
اسف
رضيت عني ؟
اذا استمر عاشق اليسا بهيج نقاشات بضرف اسبوع يصعد نائب
عمي موضوعة يسري كالنار بالهشيم اطالب بفتح جزء ثاني وثالث
مع تحيات
خادمة الأصلاح والممهدة
سوزان
سمعا وطاعة
صدك؟ كولي والله مرتين.
مع احترامي الج وللقارئ: منو القشمر الكاتب هالخريط اللي قريتيه؟ خلي أوديكم للتاريخ حتى يحكم بيننا:
1 نجي قبل الاسلام : الحروب اللي صارت بين السلالات الحاكمة في العراق سومريين وأكدييين، بعدين طلايبهم وية الكيشيين والحيثيين من ايران، النوبة العركة بين البابليين والآشوريين ، بعدين حرب الآشوريين ضد الأخمينيين في ايران . نروح يم الكدعان في مصر حرب الفراعنة مع الهكسوس وراها مع الرومان وأخير شي نزاع السلالات اللي ضعف دولتهم وخلى الآشوريين يحتلوهم بعدين الرومان. نسافر للامبراطورية الرومانية حروب النبلاء بعدين توحيد الدولة الرومانية بالقوة وتوسيعها على حساب باقي الشعوب والمجازر اللي ارتكبها الرومان وحروبهم مع الفينيقيين والقرطاجيين شمال أفريقيا أخيراً حرب الحضر وتدمير مملكة الإنباط ثم الحرب الرومانية القوطية وأخيراً حرب جستنيان وقائده بيليساريوس بعد انقسام الامبراطورية الرومانية. أخيراً نرجع يم عمامنة شبه الجزيرة العربية : حرب البسوس اللي استمرت على أقل تقدير 20 سنة والبعض يكول 40 سنة، من غير الطلايب بين القبائل العربية.
2 دولة الخلافة الإسلامية : من الأمويين وانتِ جاية : معركة صفّين وفتنة معاوية ضد أمير المؤمنين الإمام علي اللي كان هو الخليفة بإجماع الأمة بعد عثمان، معركة النهروان اللي خاضها الخوارج لإسقاط حكم الإمام علي، مجزرة كربلاء (معركة الطف) اللي ارتكبتها قوات يزيد بحق الإمام الحسين وأهل بيته وأصحابه وسبي نساءه -ما ادري شلون خليفة مسلم يقتل ابن بنت رسوله؟؟؟- ، استباحة المدينة المنورة سفك الدماء فيها واغتصاب النساء في ما يسمى (وقعة الحَرّة) ضرب الكعبة بالمنجنيق، حتى في فتح الأندلس ارتكب القادة المحسوبين على الاسلام مجازر بحق سكان تلك الدول ومن يريد الاطلاع يراجع كتب الدكتور أسامة فوزي، والقائمة تطول. العباسيين ومصايبهم السودة ما شاء الله احتلال الدول بحجة نشر الاسلام .. سبي النساء وأخذهن كجواري كل خليفة عنده مدري كم جارية ، انتشار المثلية واللواط والزنى وشرب الخمر والتعدي على حقوق الآخري، أحلى شي الحرب بين الأمين والمأمون اللي همة أخوان ولد هارون العباسي -هارون الرشيد كما يسمى- والحلو أكثر المأمون لمن انتصر جيشه أمر بقطع رأس أخيه وتعليقه على باب القصر يا سلام شنو هالإخوة والحنية، طبعاً ما أسولف الج عن تصفية أحفاد النبي خصوصاً سجن الإمام الكاظم و.... . نجيكم للدولة العثمانية وغضب الله عليها شكد مجرمة: أولاً احتلالهم لبلاد المسلمين وقتل شعوبها وترويع الباقين ثانياً فرض الضرائب المجحفة عليهم، النوب احتلال دول البلقان وشمال قارة آسيا والجرائم التي يندى لها جبين الإنسانية -خصوصاً خصي الفتيان، مدري شبيهم وية ال.... يقطعوه- فضلاً عن المجازر الحديثة في القرن العشرين مذابح الأرمن والكلدان ومجازر دمشق وحلب وقمع الانتفاضات في بغداد والبصرة والموصل باختصار لعبو بالوطن العربي طوبة.
بالقران اذا كتب هيچ يعني چان ناصب علينه طول هل فترةتتراهن راح يجاوب نفس الجواب الي أبالنا
غير يستقر غاندي، عيوني ضلعي أبو الخلافة : أول شي بدل اسمك واترك سوسو قصدي ساندرا لأن اسمها يتنافى مع الدين الحق اللي تريد تطبيق حكمه بعدين تعال سولف بحكم الدين وما إلى ذلك
اليريد خلافة الإمام المهدي عليه السلام كون ما يتجنى على الآخرين، كون ما ينتهك حقوقهم ، كون ما يغصبهم على العمل بشيء معين، كون ينصحهم، بعدين شلون رهمتها تريد خلافة الإمام المهدي وأنت تؤمن بخلافة بني أمية وبني العباس والعثمانيين؟ انت مثل فد واحد ببالي أول شي دعم عادل عبد المهدي بعدين صار ضده، أكيد الجماعة عرفوه
خرب حظي هاي عود انت الجبير، الأخ يريد خلافة أتعس من حكم العمايم اللي سحل الدولة، يريد حكم مال بني أمية يعني اذا تسمع أغنية نجلدك، اذا واحد سرق نكطع ايده وهلمة جراً ، على كولتنا (الحبل عالجرّار)
