يا شعب يا ناس افرحوا
يا شعب يا ناس افرحوا
حتى لو جان الفرح جذاب افرحوا
حتى لو جان الحبر مخبوط بالدم,, هم افرحوا
الدين صوغة
صوغة للوادم الجانت تدفن الحلوات جي حلوات وينبضن حياة
والحجاب : يصير احلى من يلف عقل البنات
الشرف : جفي نظيفة .. وكلبي خالي
وكلبي حار اعله السفينة الكثروا املاليحها
وفصلوا ثوب الريادة من الشراع
الشرف : تفكيري صافي مثل ماي الساجية العريانه من تفزع لكاع
ياشعب ياناس افرحوا
الشرف من يصير (ملبوس) البنية
كول يعني الشرف ضاع
فرحوا مادام الفرح محد صبغ لونه وخذاه من عينا وضيع اخباره
الفرح من يصير صادك يطلع احلى من المنارة
الدين من يصير ( زي ) يصير بوابة دعارة .
الدين هو الذات والروح النظيفة
المالگت جنة ولا شافت دهاليز المغارة
عيشوا فطرتكم وطيبتكم وموتوا
والاخباث الهم مكان
بلكت الله گلوبهم تنهز مثل قفل المراد
وماي وجه الله يطيح بتالي خدهم،، ماي شارة
عقيل العرد
رد مع اقتباس
