هنا

[Nazkul]

قصيدة : يا ناعيها يا ناعيها
الشاعر: سيد سعيد الصافي الرميثي
طور قصيدة: قوم ارويها گوم ارويها
ليلة12جمادى الثاني 1438- العتبة العباسيةالمقدسة

ياناعيها ياناعيها
اقصد للطف ياناعيها
صيح بصوتك سكن ونها
عباس امك قوم ادفنها
*******************
يا ناعي الماتت محرومه
من شوفة أربع شبّان
شد رحالك وأطوي البيده
صيح هنايه للوجدان
چم بيت اتشيد للدمعه
بعدك يا بيت الأحزان
بسمار الباب وآثاره
تركت بينه شچم نيشان
لا تخفيها لا تخفيها
حسرة گلبك لا تخفيها
يا جرح الفگدت محسنها
عباس أمك گوم إدفنها
*******************
ريّض لمن توصل للطف
وأترجه وانعه بأحساس
وجّه وجهك صوب الشاطي
وأتعنه المرقد عباس
گله أمك تتباهه بأسمك
بيك تسولف بين الناس
يالكافل يا رفعة راسي
لفظتها بآخر أنفاس
تلهج بيها تلهج بيها
وحروف أسمك تلهج بيها
يالمنك ما گطعت ظنها
عباس أمك گوم إدفنها
*******************
طر گبرك وأگعد گابلني
يتلاگه الدمع السچاب
عن جروح أمك لو تنشد
يا جرح الينزف ما طاب
جرح المايشفه ولا يبره
إلا يعودون الغياب
واشحال الظلت وحدها
لا محبوب يدگ الباب
ويماسيها ويماسيها
يرد الوحشه ويماسيها
ما ظل والي يسأل عنها
عباس أمك گوم إدفنها
*******************
يا ناعي اليتعثر جدمك
يالوجهك مخطوف اللون
گبور الأطياب توسطها
صلي وسبّح وأمشي بهون
وأرفع صوتك وأندب حيهم
جعفر يا عبد الله و عون
من يشيل جنازة أمكم
وشلون بدفنتها شلون
يگصد ليها يگصد ليها
تريد المنكم يگصد ليها
وشتطلب خل يسأل منها
عباس أمك گوم إدفنها
*******************
لو منك عباس تعذر
اعذر مقطوع الچفين
لكن قبر الغالي عليها
خلي يقلك صاير وين
لمن توصل إنعى بهونك
بالك تجرح قلب حسين
هاي الچانت يبني تقلك
تاج الراس ونور العين
من عليها من عليها
الله بفضله من عليها
تمكلها بحبها وجننها
عباس امك قوم ادفنها
*******************
تتنطر من يوم الراحوا
بلك الغياب يعودون
بس أيتام يصيح الناعي
للموطن رد المظعون
راحوا يم عباس اولادج
صاحت يا هالناعي يهون
لو چان حسين يرد سالم
فدوة لواليهم يرحون
روحي افديها روحي افديها
لابن الزهراء روحي افديها
فاطم يحزني اليحزني
عباس امك قوم ادفنها
*******************
انا ادري الزهراء تجازيني
وياها بيوم الوافيت
واشعر اني وياها مقصر
مديونه الها شما ضحيت
اشكر الله الرافع قدري
قمت بخدمة اشرف بيت
چنت اتنطر ساعة موتي
ولشوف حسين اشتاقيت
مايكفيها مايكفيها
ولمثلي الون مايكفيها
يالروح فراقك دوهنها
عباس امك قوم ادفنها

◇◈◇⇩........⇩◇◈◇

[Haidar Iraq]

شكراً جزيلاً لكِ ..
​