هنا

[Nazkul]

قصيدة: الوداع يا ليالي الفاطمية
الكلمات: حاتم صبري الكاظمي
الزمان: ليلة 8 جمادي الآخر 1441
المكان: ديوان الكفيل - لندن


الوداع .. يا ليالي الفاطميّه
◼◼◼◼◼
الــوداع و كل جــرح بيــنه تِـحزّم
گمـنه من هــسه عطر كربله نِشتَم
غِـيـــرَة العــباس فـاحَت بالمُخيّم
من الليالي الفــاطميّه لـ المُـــحرّم
و النــداء .. يا هَــلا بالغــاضريّه
◼◼◼◼◼
أمِسْ سلمان العشـگ و اليوم عابِس
بالجنون انقَلْـدَه مَـزَّگــنَه الــمـلابِس
عالخدامه بكل شرف نبقــه نـِنِافس
إيــد وحـــده باقــيه أهل المَـجالس
و الشهود .. فاطمه دمعـة رقــيّه
◼◼◼◼◼
كل گلـــب أيامـچ ابدمعه خِتمهه
بصايتچ يالزهره أحبابچ عَشَمهه
و ترفع الخـدام لـ العــاشر عَلمهه
ننتظر زينـب مته ننصُب خِيمهه
و العيون .. شايله ادموع العـزيّه
◼◼◼◼◼
بالنفوس و بالـقلوب و بالنواظر
وفــقيــنه أحنه خِـــدام الــمنابر
ما تموت وتبقه يالزهره الشعائر
من الليالي الفاطميه ليوم عاشر
بـالعهود .. ما تعوف اهل الحميّه
◼◼◼◼◼
نــريد يا زهراء منچ و احنه نظره
اليوم باب و باچر اخيامچ يزهـره
ضلعــچ و أحــــزانه تبقه مُستَمِره
للحسين الينسحگ بالخيل صدره
من هنا .. نِحْسِب لـ هاي الرزيه
◇◈◇⇩.......⇩◇◈◇

[Haidar Iraq]

شكراً جزيلاً لكِ ..
​

[Nazkul]

شكراً جزيلاً لكِ ..
​

الشكر لحضورك