دورني لو شح الهوه تلكاني نسمه وخايفه
دورني لو شح الهوه ..تلكاني نسمه وخايفه
اليحلم يفارك ضحكتك ..تلكا حسرته توالفه
عايفني بس مامنقهر ..مال الكه غيرك سالفه
دورني واسئل كل كتر ..تلكاني واحد منحبس
راسم حزن بشفايفه .
اشعلني بدروبك شمع ..اقبل ولو تكسر ضلع
جويني حيل براحتك
يل وجهك يتعب النظر ..الناس شافو وجنتك
عافو عيون بشامتك
الشاف وجهك ينحسب ..عد الله يمكن جن ملك
ويساعد الله مرايتك
يم بيتي ياريتك تمر ...ناذرلك عيوني السمر
وزنودي احس بعازتك ..
فدوات الك كل العمر . لاسحكلك دروب الجمر
لو كتلي انه بحاجتك
تعنيت الك ضحكه وعرس ..يم وجهك تضيع الشمس
وشكد حنينه احجايتك
ومن شفتك بحظن السمه. .تسولف ترافه اعله النجم
ماخذ من خدود الكمر ..عافيتك
من يومها وانه اعترف ..حبيتك
كاعدلك بسد الهوه ..استنكي باطراف البرد
شرطاً تكون مكحله ..نسمه التفوت ..بريتك
خليني شعره بكذلتك..من تزهك انته من الخلك ..
سهواً تحن بلمستك.. ياريتك
امنيتي وحده وياك اظل ..تخليني لعيونك كحل
اقبل ولو ؟؟ خليني عتبه.. لبيتك
عبدالله رشاد
رد مع اقتباس
