گوم دورلك عذر
گوم….
دورلك جنح ماشايل…احد
جنح
تايه…
ضايع
ومايدري من ياشنهي… طاح…!!!
گوم
دورلك عذر
طير اعله كيف
طير فوگ الغيمه ذيچ
ال نجمه…ذيچ
هناااك
بلكن تشهك الله….وتستراح…!!!
اصعد
شما بيك حيل
ولاتخاف
الخوف جذبه وراح…تبرد
اصعد
اصعد…
شاور الله
گله ذولاك اعله بابك
ساومونه
گالو
بيوم اعله بابك……راح ينسد…!!!!
اصعد
اصعد…
واضحك هناااك اعله حزنك
ابجي
غااااد سنين عمرك
ابچي
كلشي
ابچي حدما حيل تضحك
كلش اضحك
لاتخاف
الخوف دمعه وراح…تبرد…!!!
گوم
سافر
طير بس كون اعله كيف
داعب ال نسمه…كيف
ولاتفزز
كلشي نايم
لاتفزز
توه…غافي
گوم دورلك…جنح ماشايل…احد….!!!
محمد لفته العماري
رد مع اقتباس
