صبر بالروح ما ضل
لا دمع بالعين
وتكَلي وداعـــة الله
ويَّ المودعين
يسباح الكَلب
يا شمت الريــــحان
يا عــطر المحبة
لبيها أشم سنين
منهو ألغيرك
يا نبع هاي الـــروح
الدنيا أتغيرت
لو غــــيراك البــين
ربيتك حمامة
تحــــوطها الغربان
وصْبَرتْ أعله النكَر
ومناوش الجفين
حبيتك صدكَـ حب
كل دغش ما بيه
وخليتك كحل
بجفون هاي العين
انه سكَيتك وفه
وأنت بحنايا الروح
تاليها طرت
وما كَتلي انتَ الوين
وتكَلي الناس انسه
وانا انسه شلون
وكل ساعة تكَلي
الروح مشتاكَين
هذا الكَلب رَّين
من رضاب شفاك
وطعم شفتك لساته
معطر الشفتين
الله وياك أكَول
منعم ومرتاح
يل بايع ودادي
برنة الفلسين
عَلي تفرعنت
من دون كل أسباب
وأنا حسيبتك
بالشدايد عون
صبر بالروح ما ضل
لا دمع بالعين
وتكَلي وداعة الله
ويه المودعين
بقلمي
قاسم البهادلي
رد مع اقتباس
المشاركة الأصلية كتبت بواسطة Queenシm4
