هنا

[فقار الكرخي]

اغار اعليك لو بسمك يصيحون

اغار وتحجي اشكال العيون

اتعودت اصيحن بسمك الحار
بشفايفهم ثلج لمن ينادون

عليك هواي تعبت بعدك الروح
وماتصلح خرابه لليسكنون

كل اليله ويروحي امشي جناز
وادفنها عدل وي اليدفنون

ويطر فجر الصبح.
وتعاود الروح.
واول وحده تگعد من يگعدون

اكول ابخير كلش انه بخير
اخافن يفرح الشامت من ينشدون

ادنگ بالنشد مو مستحى وخجلان
لان مرات يفضح حجي العيون

هيه الناس سوله تسأل شبيك
مو زايد محبه من يسألون

عدهم طبع اغبر عايفك ليش
وليش انته وحيد وعفته اشلون

انه الماعايفك حتى بحلم وياك
ترس العين وجهك من ينظرون

بس انته صدگ عايفني لوين
جم جيل العببرني وانه ماخون

حيل اصغار صعدو بالقطار الفات.

وانه متاني عمر ومناطر تردون.









فاطمة الجياشي

[Haidar Iraq]

حلو ..

[صفاء العامري]

عشت ورد

[انثى مخمليةة]

عاشت ايدك