مرحبا
راح اسولفوبرأيي الشخصي كيف تكسب قلب زوجتك وعقلها وكيانها وتشتري راحة بالك وبالها ويدوم حبكم وزواجكم العمر كله..
عزيزي الرجل ..بالبداية اتخلي في بالك ان زوجتك انسانة تركت اهلها وعالمها لاجلك فلازم اتقدر هالشي واتكون ممتن الها لانها راح تتحملك رغم مساوئك وانت تدري انت مليان مساويء ماكو بشر كامل فلا تنظرلها بعين الزغيرة ابد ..
خلي يكون بينكم شي اسمه خصوصية .. اشيائكم الخاصة لا اتسولف بيها لاهلك ولا تتفاخر كدامهم هيج سويت وهيج سويت تره انت بشراكة مو بنزال فابتعد عن هالامور رجاءا.
..لا اتحسسها انه خواتك احسن منها خلي موازنة بين الاثنين لا تفضل احد على احد وياريت اذا اكو مشكلة بيناتهم لاتتدخل بيها اطلع منها وهي تنحل ..
..تره انت مجايبها خدامه مع كل الاحترام والتقدير لاهلك تره هي اتزوجت نفر واحد مو ٢٠ نفر واجبها تخدمك الك وبس واذا سوت شي زيادة فهذا من كرم اصلها وحسن تربيتها واخلاقها.. واذا كنت متمكن فالافضل تجيب وحدة اتساعدها مو زوجة ههههه لا اتكيف ابد ..
..حاول تشركها بحياتك وحياة اسرتك باللي تكدر عليه ولا اتحسسها انو هي غريبة عنهم وانه اكو اسرار العائلة ومو لازم تعرفها هسه قابل انتو العائلة المالكة واكو ضوابط وقوانين ..لا اشركها حتى اتشاركم احزانكم وافراحكم وتوكف وياكم وكت المحن وبيت اهلك بيتها مو بس بالخدمة والطبخ والتنظيف لا حسسها انه اهلك اهلها..
... ماادري ليش حديثي كله ع الجناين هههه عموما حتى لو كنت وحدكم هذه النقاط اعلاه تنطبق وحاول توفرلها طلباتها باللي تكدر عليه والله راح يبارك بيك وبرزقك..
..قلل من حديثك ويه الاخريات ع النت او بالعمل واذا متكدر اشرحلها انه هذوله زميلاتك وعادي تتشاقون واتسولفون حتى تمشي الامور والحياة وخليها تثق بيك ثقة عمياء وعرفها ع الكل لا تعزلها ابد..
لا اتخلي باسوورد لموبايلكواذا لاجل الخوف من الضياع انطيها الباسوردوخليها تتصفح براحتها..
...ماكو داعي احد يضوج اذا راحت زارت اهلها وبس ترجع تنقلب الوجوه مثل مااختك تجي هي هم من حقها اتروح ووضح هالشي لاهلك ومايصير تقطع صلة الرحم ..
...لاتجبرها على شي هي مااتريده خلي الها حق وحرية الاختيار في كل الامور وحاول كل فترة اتغيرلها جو حتى لو طلعه بمتنزه قريب عليكم ولوحدكم ماكو طرف ثالث وياكم ...
...من اتشوف بنت حلوة حاول تتحكم بانفعالاتك أمامها .. تره هي لو بيدها جان صارت اجمل نساء الكون فهدي شويهلطفا
...واهم شي عائلتك اطفالك وزوجتك حاول تسعدهم باي طريقة وخل يكون هذا هدفك الاساسي بالحياة
مااعرف بعد اذا نسيت شي بس هذن الاجن في بالي بصورة سريعة ..
...
...
رد مع اقتباس
المشاركة الأصلية كتبت بواسطة Queenシm4
