هنا

[بـشــــار]

احيك بشار على طرحك
بشار كل حرف انت كتبته العراقي وشبه عراقي وجوكري وذيل ومندس وطرف الثالث يعرفه
يبقى بس العراقي الاصيل يؤمن بي والباقي يحرفه ونكرة
العراق وثورته من يوم 1/10/2019زرع بذرة
طلع الجميع العراقي الاصيل وكل الجوكريه والذيول ومندس الان وصل حصاد الثمرة ثورة والاصيل بقه اصيل والباقي سقط قناعهم ،
احنه ماألنه قيمه عدهم دمنا يخلونه نهتف نهتف واصلا ميسموعون يجون يقمعون وحركون ويخطفون
وهسه ايران ورقتها الرابحه مقتدى وكل وياه هادي وقيس الخزعلي
احنه ثوره العراقيه راح تقدم فقط شهداء
مع الاسف مراح يتغير شيئ


واحنه من الاول ماحاسبناهم وخلينه قيمه لشعب ومال شعب ،يبكون مليار لغرك سوينه حششنه عليه القنفة والنستلة .سبايكر كراده وقناصين المظاهرات وغيرها الي صارت وين نتائج لجان وهسه خبر على قناة شرقيه عادل عبد المهدي رئيس الوزاء المستقيل يأمر بتشكيل لجنه حول مجزره النجف الي صارت البارحه اكو بعد استهزاء بينه اكثر

صديقتي سارة
ايران انكسر ظهرها من انقتل قاسم سليماني وابو مهدي المهندس حارت وما تعرف شنو تسوي ..
لهذا استخدمت ورقة مقتدى الي بنفسه صرح قبل سنة لا نأخذ كلام سياسي يجلس في قم وحضرة السيد هسة بقم ..
وسالفة التظاهرات امام السفارة الامريكية اسخف مظاهرة جانت تعرفين ليش !!
هم تظاهروا بحجة قصف مواقع لكتائب حزب الله ..
طيب ليش ما تظاهروا من جانت الطيارات الامريكية الي جانت تسميها الحكومة قوات التحالف كم ضربة وضربة وجهت بوقتها لمواقع حشد بحجة قصف بالغلط ليش مو بوكتها طلعوا ضدهم ليشششش الا بهالوقت الي يشهد العراق بي تظاهرات !!!
وليش تدخل سفارة وتكتبلي سليماني قائدي وعاشت ايران شعندي ويه ايران اني امي ابويه هي وشعندي بغير دولة اضل كل وكت اكمز بيها ..
وهو العراق لو جان عنده سيادة مجان خله امريكا وايران تسرح بيه ..
وشمعنى اخذتهم الغيرة سياسين العراق بمقتل سليماني والمهندس وما اخذتهم الغيرة على كولتج على شهداء سبايكر فدوة خلي هذا ابسط مثال برغم حجم الفاجعة وكتها ..
أني ما أبرئ نفسنا بأن أحنا نتحمل جزء كبير من المشكلة بس يا عيني دتشوفون الوعي بالمظاهرات والتكاتف ..
يعني الشعب اذا جان نايم حرام عليه يصحى بيوم
وصحوة متأخرة أفضل من سبات لا يسمن ولا يغني من جوع

[ساره البابليه]

صديقتي سارة
ايران انكسر ظهرها من انقتل قاسم سليماني وابو مهدي المهندس حارت وما تعرف شنو تسوي ..

لا صديقي بشار انا لدي رئي اخر
مقتل سليماني كان كبش فداء لفتح مفاواضات الملف النووي الايراني مع امريكا ، ورد الهجمات بصواريخ فارغه وعدها علم امريكا بالقواعد راح تضرب واخلتها كـ رد اعتبار لهيبه ايران .

[محمد صبيح]

بشار ..
اتشنج وانفك ، ثم كررتها مراراً ، أحك حرارة شفتي ، واشطب الكتابة !
ياصديقي طز في هذا البلد ..
ولايهم أن تسامحوني !

[Suzana]

بالنسبة للاعضاء اللي ديتسائلون عن الموضوع:
"شنو اتغيرت القوانين" لا عزيزي ماتغير شي حاليا لكن هذه مساحة "تجريبية" مؤقتة ومتنفس لكم للتعبير عن الرأي الصريح وعن كل مايجول في عقل المواطن العراقي فيما يخص مجريات الاحداث العراقية ..اي تقدم ميداني يحتاجله تغيير فكري يرافقه لانه بداية التغيير من الذات ,,لذلك خلونا نسمع الناس وبدون رتوش وكل اللي ارجوا منكم رحابة صدركم ...
كثير من المودة والحب

[Mohammed K.F]

اللي دعاني للمشاركة بهذا الموضوع هي الردود المتشجنة واللي بعضها تجاوز حد الاخلاق بالنقاش.. استغلالا للاستثناء اللي طرحته الادارة. وبالرغم هذا الاستثناء ايجابي ويراعي جانب المرونة لكن ايضا خطأ يُحسب على الادارة..فالموجودين هنا من الشعب العراقي واللي بتاريخ العراق كله ما عرف شنو ديموقراطية او احترام التعبير عن الرأي.. من ايام حمورابي وقانون ( من يعترض على الحاكم يُعدم) - واحنة نفتخر بهذا القانون الاستبدادي - الى هذه اللحظة. فتعاملوا ويانة كعراقيين مو المانيين او فرنسيين
عزيزي بشار الكل اخطأ..المتظاهرين والحكومة والاحزاب ورجال الامن ومقتدى وجماعته....الخ. المشكلة مشكلة شعب والقضية فساد شعب.
والموضوع كله موضوع قوة.. المتظاهرين ايضا قتلوا وحرقوا ودمروا وهددوا وتجاوزوا حد المظاهرات السلمية.. بالعراق اي طرف تكون عنده قوة يستخدمها حتى يفرض رأيه عالاخرين.
حتى هنا بالدرر من صار عبد المهدي رئيس وزراء اكو اعضاء سووه البطل القومي والمخلص الموعود!! ومن اعترضت كالوا انت من اتباع الولاية الثالثة وتبجي عالمالكي!!!!! مع العلم كلهم عندي نفس القياس.
مقتدى وجماعته عراقيين.. اللي بالحكومة والاحزاب والسياسيين عراقيين.. المتظاهرين ورجال الامن عراقيين.. الموظف اللي يهين المراجع عراقي..المدير اللي يستغل منصبه ويوظف كل عشيرته عراقي... الللي بالدرر هنا عراقيين...الخ.
فاذا تريدون تلكون حل روحوا ابحثوا بجذور المشكلة وهي الشعب.

[الـسُـلـطَـانـة♡]

انه اكول لْـۆ تلغون منتدى الحوارات والنقاشات الجاده احسن ^_^




يوميه صايره بالسجاجين

[Suzana]

اللي دعاني للمشاركة بهذا الموضوع هي الردود المتشجنة واللي بعضها تجاوز حد الاخلاق بالنقاش.. استغلالا للاستثناء اللي طرحته الادارة. وبالرغم هذا الاستثناء ايجابي ويراعي جانب المرونة لكن ايضا خطأ يُحسب على الادارة..فالموجودين هنا من الشعب العراقي واللي بتاريخ العراق كله ما عرف شنو ديموقراطية او احترام التعبير عن الرأي.. من ايام حمورابي وقانون ( من يعترض على الحاكم يُعدم) - واحنة نفتخر بهذا القانون الاستبدادي - الى هذه اللحظة. فتعاملوا ويانة كعراقيين مو المانيين او فرنسيين
عزيزي بشار الكل اخطأ..المتظاهرين والحكومة والاحزاب ورجال الامن ومقتدى وجماعته....الخ. المشكلة مشكلة شعب والقضية فساد شعب.
والموضوع كله موضوع قوة.. المتظاهرين ايضا قتلوا وحرقوا ودمروا وهددوا وتجاوزوا حد المظاهرات السلمية.. بالعراق اي طرف تكون عنده قوة يستخدمها حتى يفرض رأيه عالاخرين.
حتى هنا بالدرر من صار عبد المهدي رئيس وزراء اكو اعضاء سووه البطل القومي والمخلص الموعود!! ومن اعترضت كالوا انت من اتباع الولاية الثالثة وتبجي عالمالكي!!!!! مع العلم كلهم عندي نفس القياس.
مقتدى وجماعته عراقيين.. اللي بالحكومة والاحزاب والسياسيين عراقيين.. المتظاهرين ورجال الامن عراقيين.. الموظف اللي يهين المراجع عراقي..المدير اللي يستغل منصبه ويوظف كل عشيرته عراقي...الخ.
فاذا تريدون تلكون حل روحوا ابحثوا بجذور المشكلة وهي الشعب.

فيما يخص الادارة :
اللي انريده ولو لفترة قصيرة وبهذه المساحة ان نترك الولاءات والميول الضيقة من الجميع ونفكر بثورة الوطن ..وبالمقابل نطلب من المحاور ان لايستغلها
" للعن والشتم " مهما كان للشخص من تأثير سلبي على واقعك لانه الابتعاد عن المعيبات من مكارم اخلاقك .. واول وتالي همه مو ملائكة وماكو انسان يخلو من الاخطاء لكن اللي جعلهم ملائكة احنا وخليناهم يفكرون بدلا عنا وهذه عقولهم وامكانياتهم وبالتالي هذا هو مصيرنا ..

[انسان ثاني]

بالنسبة للاعضاء اللي ديتسائلون عن الموضوع:
"شنو اتغيرت القوانين" لا عزيزي ماتغير شي حاليا لكن هذه مساحة "تجريبية" مؤقتة ومتنفس لكم للتعبير عن الرأي الصريح وعن كل مايجول في عقل المواطن العراقي فيما يخص مجريات الاحداث العراقية ..اي تقدم ميداني يحتاجله تغيير فكري يرافقه لانه بداية التغيير من الذات ,,لذلك خلونا نسمع الناس وبدون رتوش وكل اللي ارجوا منكم رحابة صدركم ...
كثير من المودة والحب

حتى لو مطرت السماء حرية ،،، ستجد من يحمل الشماسي ،،، فهم تأقلموا على العبودية


ما ادري وين قريت هل مقولة يا سوزي بس احسها واقعية

[انسان ثاني]

عذراً لصديقي بشار بس استوقفني شيء بهذا الموضوع من بعض الزملاء ، و صدكوني ما اقصد شخص بحد ذاته بس احنه دنتناقش بـ الاراء

يعني عفتو الحجي الي گاله بشار بحرگة گلب و كلنه ندري هو ما جايبه من جيبه ولا عنده عداوة ويا الطبقة السياسية لكن هذا هو الواقع ، رغم كل الي حچاه عفتو الجوهر و تستنكرون موقف الادارة شون تسمح بهيچ كلام ، المنتدى مو مكان مقدس حتى تكون اله اعراف ميصير تتغير ، الشعب ثار ضد قمع الاصوات و يردون يحچون الي بگلوبهم ، واحنه هنا نفكر شون نخلي العضو يصيغ الكلام بالطريقة الي تعجبنه واذا ما عجبنه لازم نسكته و نغلق موضوعه ، تره يا جماعة الخير احنه بشر و النه انفعالات و المنتدى انوجد لخدمتنه و قانونه انوجد حتى احنه نكون مرتاحين هنا ، القانون مو نص قراني حتى اذا واحد كسره انگلبت الدنيا ، شويه وسعوا صدوركم و تقبلوا كل الاراء لأن اذا بقينا بهل عقلية يعني ماكو فرق بينا وبين الي گاعد يقتلون بالمتظاهرين بس لان رأيهم مو ع هوى اسيادهم ^_*

الحرية مو جائزة وانما هي حق ، حاول لتصادر حق غيرك لأنك مو احسن منه

و ع گولت صديقي بشار ،،، عانقوها

^__^

[Haidar Iraq]

وبالرغم هذا الاستثناء ايجابي ويراعي جانب المرونة لكن ايضا خطأ يُحسب على الادارة..فالموجودين هنا من الشعب العراقي واللي بتاريخ العراق كله ما عرف شنو ديموقراطية او احترام التعبير عن الرأي

اتَحدث مَعكَ فيما يخص الإقتباس اعلاه فقط ..
والذي تقول فيه خطأ يُحسب على الإداره ..
______

عزيزي محمد .. الإداره لم تَكُن مُخطئه في هذا الجانب ..
حينما فَسَحت المجال إلى الأعضاء .. بالحديث عما يجول في خاطرهم ... وعن الأحداث التي يَشهدُها العراق اليوم .. بل العكس .. خطوه إيجابيه تُحتَسب إلى الأداره ..
وذلك نظراً للوضع الراهن الأن في بلدَنا الجريح ..
هذا من جهه ..
أما من جهه اخرى ..
إن لم نَكُن نَحنُ العراقيون نَتَحدث ونَتَناقش في الأحداث التي تجري الأن .. إذن على ماذا نَتَحدث ..؟؟؟
هل يوجد موضوع نقاشي افضل من موضوع مُجريات العراق الأن ..؟؟؟
إن كانت المواضيع التي تُنشر في هذا القسم مُهمه عند البعض او الجميع .. فأن الحَديث وفتح مواضيع تَخص شأننا اليوم هيّ الأهم وليسَ المُهم ..
لأنه دائماً في الحياة لدينا اشياء ( مُهمه ) .. ولكن الأفضل منها هو ( الأهم ) ..
ولكن نصيحه اخويه إلى الأعضاء ..
تحاوروا فيما بينكم .. بدون تشنج او عصبيه ..
لكي لانخسر بعضنا البعض ..
وقبلَ ان اُنهي حديثي .. أود أن اقول ..
انا مع هذه الكلمات التي كَتبتها الأخت Suzana
مساحة "تجريبية" مؤقتة ومتنفس لكم للتعبير عن الرأي الصريح وعن كل مايجول في عقل المواطن العراقي فيما يخص مجريات الاحداث العراقية ..اي تقدم ميداني يحتاجله تغيير فكري يرافقه لانه بداية التغيير من الذات ..
تحياتي للجميع مع الود ..

وندعوا الله سبحانه وتعالى ان يحفظ ابنائنا وينصرهم على القوم الظالمين .. والرحمه والخلود لشُهداء العراق الأبطال الميامين ..