مصار تغيير بالقوانين كان طلب من الاخ بشار ببداية هالموضوع وطلب خاص ايضا باستثناء هالموضوع من القوانين والحذف وتم الاستثناء ..تحياتي
مصار تغيير بالقوانين كان طلب من الاخ بشار ببداية هالموضوع وطلب خاص ايضا باستثناء هالموضوع من القوانين والحذف وتم الاستثناء ..تحياتي
الي ضايج من طبيعة كلامي واسلوبي
لا يبتعد عن المعنى الحقيقي للموضوع
ومثل ما أني عبرت عن رأي ب حرية
فكل شخص له الحق أن يرد ب حرية
وأني المسؤول عن موضوعي وأتحمل مسؤولية كل ما يحصل بي
واليوم سهران وراح أجاوب على كل رد
آني رديت عليك بالتقييم وهذا ردي الأخير بيه أكشنات مفتعله فقط حتى أشوف منو يفكر بنفس الطريقة واظاهر السناره غمزت وحصلت على مبتغاي لان أصلا ماكنت اسولف من عقلي مثل هذا الي يخبز بصف التنور والعاقل يفتهم وسلامتك...متابعالمشاركة الأصلية كتبت بواسطة بـشــــار
الي ضايج من طبيعة كلامي واسلوبي
لا يبتعد عن المعنى الحقيقي للموضوع
ومثل ما أني عبرت عن رأي ب حرية
فكل شخص له الحق أن يرد ب حرية
وأني المسؤول عن موضوعي وأتحمل مسؤولية كل ما يحصل بي
واليوم سهران وراح أجاوب على كل رد
بين المقبرة والدفان الام تنوح على أبنها والاب اوجعه الهم والارملة اكلها الحزن والجوع هذا واقعنا ليعتاش عليه ثلة مرتزقة تجني ارباحها من دماء الأبرياء خرجنا يوما فلجمنا من لسان نعتنا بما يرغب وهجرنا بمسرحية الأن وضعت تفاصيلها لنفقد المال والابناء بل اعتبرنا حواظن لمن يضع السيف على رقاب الابناء بموازنة انقذ نفسك بالعصى امام السيف والسيف امام البندقية وعصاتي لا توازي من يمد بالتخطيط والسلاح فمن يلعب بالكرة ليس كالمتفرج .ليظهر ابطال وابطال لهم تاريخهم المذل ولقطاء الوطنية والرصاص حصة صدور ابناء الفقراء والمقابر حصة وطنيتهم ..والان انتفظ الشعب دون مذهب او مسمى او ولاء سوى للوطن بثورة كبرى ضد السراق ولكن هناك من يخمدهم بمسميات لاندخل اسوار تفاصيلها مع تحفظي على عتبك المشروع لعدم الخروج من اول نداء ..ليقمع ويلجم بحاشية من اتصفوا بالبطولة والعمامة والمنبر ومن لا يمتلك التقوى فلا يعتمر العمامة الا لاسباب يقومون ويناصرون فيهامن يصارعون من اجل البقاء هم تجار دم ولا يهمهم اي جثة تقع واي حق يطلبون ....احيك من كل قلبي برغم اني لم اتطرق يوما لاي فئة اكون
التعديل الأخير تم بواسطة ابن الوطن ; 7/February/2020 الساعة 11:23 am
هلا بالعزيزة سوزان
أشكر سعة صدرج
بأنتظار ردج عيوني
حبيبي ابراهيم
وأني أشكرك لأنك بهالروحية الوطنية
شرفني ردك ويعنيلي الكثير
إذا ما نحركَ كَلوبنا ومتهزنا غيرتنا على الي كاعد يصير
على هذا الدمار والأرواح الي تزهق بهالطريقة البشعة
ف حشاك من خرب هيجي حياة
أني أوافقك بكلامك والشعب يتحمل مسؤولية لأن جان شعب مغفل أوهموه السياسين
بس شنو الغلط إذا الشعب صحى ؟
هاي مثل سالفة شخص ميصلي وميصوم وبس يشرب ولما قرر بيوم يروح يصلي الناس كَالت شوف أبو العركَ رايح يصلي ويتمضحكون
أني مالي دخل لا بنبي ولا بخليفة ولا بحدث تاريخي أكل الزمان منه وشرب
أني يهمني هاللحظة الي أحنا عايشيها هسة
فقار أني هم مأيس ومتشائم
لا عبالك متأمل خير
بس يكفي يا صديقي الوجوه أنفضحت
يكفي يا صديقي الشعب وكَف بوجه أشخاص جان يعتبرون أنفسهم أنبياء بهالزمن ومحد جان يتخيل بيوم ينقلب الشعب عليهم
ويكفي رغم كل محاولات القتل والقمع للثورة ما
كَدروا ينهوها وبعدها صامدة
والظالم يجيله يوم
فقار العزيز
من بعد أذن الأخوة الي كان ردهم قبل رد عبد الله ..صديقي بشار أول مرة اقرأ لك هيج اسلوب بالكتابة
صارلي فترة غائب عن المنتدى .. شنو القوانين تغيرت
اشو الشتائم على قدم وساق ؟؟!!!!!
عزيزي بشار انت تتفق وياي أن المستفيدين من فساد الاحزاب هم الاقلية وليس الاكثرية.
لو كان اغلبية الشعب تتفق وياك بالرأي كان الحكومة ما بقت ٢٤ ساعة
يعني اكو غيرك مستقلين يكرهون الحكومة الفاسدة لكن يختلفون معاك بالرأي والتصنيف. فأرجو منك أنت كمثقف لا تعمم الفساد على اغلبية الشعب
كما أرى أن الوطنية مو من حق أحد يوزعها على العراقين كما يرى هو
أما التظاهرات الي حضرتك تكلمت عنها اخشى أنك تقصد تلك التي أنجبت داعش الذي قتل أبنائنا وسبا نساءنا .. عائلتي قدمت شهيدين للخلاص من أبن التظاهرات المزعومة ...
أما المرجعية يا عزيزي فهي غير ملزمة وليس من مهامها أصدار فتاوى لتغيير الأنظمة لانها ليس جهة سياسية ولا ترى ان وظيفتها الانخراط في وحل السياسة هي تقدم النصح لمن ينتصح
صديقي بشار .. أنا أخوك ويؤلمني أن أراك تكتب بهذا الشكل
أسمحولي أرد على عبد الله العزيز وبعدها أرجع أخذ الردود بالسرة ..
عيوني عبد الله إنت من الأشخاص الي كلش زين تعرف عقليتي شنو وتفكيري شنو ..
ومن الأشخاص الي تعرف نقاشاتي ووجهات نظري ..
إذا تعتقد إن أسلوبي جان بشع ف المفروض منك مثل متكول عليه أني أخوك أن تفهم فحوى موضوعي قبل ما ييشغل بالك ويزعلك أسلوب شخص حب يعبر عن الي بداخله بهالطريقة ..
وإذا أعقب على كلامك ف يا عبد الله العزيز إنت مقاري الموضوع عدل لأن ردك ما جان موفق ببعض الجوانب وبعيد كل البعد عن موضوعي ألا بجزئيات بسيطة ..
أولا أني ما عممت الفساد على الشعب أني حجيت عن فساد الحكومة .. الشخص الزين بيهم ميحتاج أهلهل له .. والشين بيهم ما أستحي ولا أخجل أن أسمي فاسد وحرامي لذلك أني عممت ع السياسين مو مثل متفضلت حضرتك بأني قاصد الشعب ..
أما بخصوص المظاهرات إذا تقصد على مظاهرات المناطق السنية إذا جنت تقصد بيها أنجبت داعش ف غريب يا عبد الله من بعد 6 سنوات وفيلم داعش ما عرفته ومنو الي مهد له الطريق حتى يجتاح العراق بهالطريقة ..
وبوكتها ياصديقي كل بيت أنطه شهيد أني أثنين من أولاد خالتي أستشهدوا بأيام الحرب على داعش وأبن عم أنبترت رجله ..
ف مو كل مظاهرة نجي نلصقها بتهمة تحريضية ومؤامرة وداعش وأرهاب وفرق بين شعب طالع يريد حقه وبسلمية وأرجو منك تراجع موضوعي بخصوص هالنقطة ..
بخصوص المرجعية
منو كَلك أريد تصدر فتوى
يا صديقي أنا كلامي توضيحي للي يتهم المرجعية ويكول ليش متدخل
المرجعية هي لسان العراق الناطق وهذا أمر واقعي ولو السياسين يحترمون قدسية المرجعية جان سمعوا كلامها خصوصا حول المظاهرات ..
المرجعية تكَول واجب على الدولة حماية المتظاهرين وثاني يوم تصير مجزرة بالساحات !!
لهذا أني كَلت المرجعية محكوم عليها مثل ممحكوم علينا وكلامي جان واضح بهذا الخصوص ..
أما بخصوص الأحزاب
حتى لو جان المستفيدين من الأحزاب يشكلون 5% من العراق فهاي ال5% لاعبة بأبو تاريخ العراق وبأبو مقدرات شعب العراق وبأبو أرواح العراق ..
أحزاب تابعة لدولة تسيرها وفق ما تشاء وتبطش وتسرق وتقتل أذا ما نوضع لها الحد إذن ما غيرنا شي نفس حكم صدام ديتكرر والحزب يبقى يحكمك وما من حقك تفتح حلكَك وتطيع وتسكت وإذا تعارض ف مصيرك معروف ..
يا صديقي يا عبد الله
سلامتك من الألم
كان المفروض منك يا صديقي أن تهتم بجوهر الموضوع ما تزعلك عصبية شخص يتألم من الي ديصير وإذا شفت الأسلوب مو عاجبك فأني أعتذر منك
أحسنت صديقي حيدرإلى كُل من يقرأ هذه الكلمات ..
من الأخوه الأعضاء والزوار في مُنتدى دُرر العراق ..
____
هُناك خوف من سَرقة وتَدمير ثورة أكتوبر بالعراق الجريح .. ودخولها في خط السَرقه الإنتهازيه من شخصيات ومتحذلقين .. ومَن يَقفزون على تضحيات دماء الشُهداء .. للحصول على مكاسب شَخصيه .. او الإستفاده مادياً من هُنا وهُناك ..
هذه الثوره يَجب ان تَنجح مهما كَلف الأمر ..
ولاتجعلوها تَندَثر وتصبح في مَهب الريح ..
والأهم من هذا .. ( تذكروا شُهداء الثوره ) ..
فلا تخذلووووووووهم .. واستمروا في ثورتكم ضد الفاسدين ..
شكراً لك أخ بشار على طرح الموضوع ..
وهوايه شخصيات تحاول كل فترة تكمز وتريد تركب الموجة بس تفشل ويسقط قناعها أكثر وأكثر وأكثر ..
واليضحكك يسمون المتظاهرين جوكرية على أعتبار داعمتهم أمريكا وأمريكا أول دولة باركت برئيس الوزراء محمد توفيق علاوي
هالثورة لازم تستمر حتى كل الوجوه تنكشف
والعار راح يلازم كل سياسي وكل شخص وكف بوجه الثورة واستهان بدماء شهدائها
عيني لارا
السيد من نصب خيمة بالخضراء وبعدها امر اتباعه بالأنسحاب لأن السيد أجته صفقة ووزارات
مقتدى الصدر اكثر شخص متقلب بتاريخ الكرة الأرضية
واغلب الفساد الوزاري موجود من التيار
ويكلج نحارب الفساد بكل وقاحة
مقتدى بنفسه أنهى مظاهرات 2011
وبنفسه هسه يريد ينهي هالثورة لأنه ملبوس ومحد جاب أسمه بيها واليكتلج يكلج أني راعي الثورة ..
بس أحتمال جان يقصد هو راعي الطرف الثالث ..
هالشخص متقلب بكل قراراته والحسنة الوحيدة الي تحسب للمالكي من صرح مرة ضد مقتدى وما ينلام بوكتها بصولة الفرسان..
أما أتباعه ف أني ما اعرف شنو المرحلة الي يوصلها انسان يخلي هيج مؤمن بهالشخص ..
البعض منهم يعتبره هو الامام المهدي
يمعودة البعض منهم يكول مقتدى مذكور بالقران ..
ويا صديقتي الراس الجبير من يسقط وينفضح زيفه مباشرة حاشيته راح تتشتت ..
ومثل ما الشعب يصنع صنم ودكتاتور
فالشعب بيده يكسر هالصنم ويطيح الدكتاتور
