هنا

[فقار الكرخي]

العشگ حلقه

يبيضة
بلون نيت امي
ويل چنچ
عليّ من الله احس صوغة
دجرحيني
يعافيتي
حلاتة اليعشگ بشوغة
وحلاتة الينتظر ولفه
ويعد وكتة ومچانة أيقيس
دتانيني
واجيج منين ما اوچد درب قديس

يل حلوة
اليشوفچ كون
حتى بطيفة متوضي
من اشد روحي علگ وادعيج
گبل لا اصلي راح انشد .. قهر مگضي

انة المتعب واشوفج سندرلا و آاه
واحسب للفهة اينولچ
هاي ناس طماعة
بس حلمي اعلة گد طولچ

يبنية العشگ زفة
وگلبي ايطالب بحقة
يحبيبة العمر خلصان
خل نعيش بل يبقة
وما نندم ابد فديوم
اصبعج للعشك مريود
حيل تلوگ الة الحلقة

چاا يمتة وعليّ گلبچ يهم ويحس
وافرح بيچ
والبس قاط
ويصيحولي يل معرس
واسد رازونتي من اشتاگ
واضل بس بيچ اتنفس

وچا يمتة بحلال الليل
اوز ظهري اعلة بطنج
وانتخي اضنونچ
وتسع تشهر يجينة اوليد
شايل طولي وعيونچ
وبوجهة سماري يلوگ
واصبغ گلبة من لونچ

اريدة ايشبهچ هواية
فدوة اتنسي بمراية
وما رايد ذهب واقصور
حلمي كويخنة زغيرون
وانتي وابني وياية






م

[ريـــم]

حلوووو عاشووو

[المتوكل علي]

رووووعه..

[المتوكل علي]

رووووعه..