هنا

[فقار الكرخي]

اجلبنك يليلي ثنعش تجليبة
اجلبنك يليلي بساحة الحبوبي
رايدلي وطن ما گاصد جيوبي
اليلطم خلة يلطم واليدگ چوبي ..
كلها سباع طلعت ساعة النيبة
اجلبنك يليلي ثنعش تجليبة


اجلبنك يليلي والجموع تصيح
ماردنة استقالة نريد بس تصحيح
ما بيهم حصيف ويفهم التلميح
الة من اذانة تجرة وتجيبة
اجلبنك يليلي ثنعش تجليبة


اجلبنك يليلي، والوطن مو تعيين
ولا قطعة ارض لو فلس لو فلسين
الوطن كون بكرامة نعيش متصافين
والفاسد نطلعة وهم نگص شيبة
اجلبنك يليلي ثنعش تجليبة



اجلبنك يليلي بفلگة الدلة
من هاي الحكومة الجابت العلة
ماريدن عنب وتحطلي بلسلة
رايدلي وطن وبزودنة نجيبة
اجلبنك يليلي ثنعش تجليبة


اجلبنك يليلي والليالي شهود
انة ابن العراق ومضغتي البارود
اسمي اباب ساحات الشرف موجود
شعار المرجلة والعزة والهيبة
اجلبنك يليلي ثنعش تجليبة

اجلبنك يليلي وصعدت الغيرة
طگ ماي الصبر فاض وطفح بيرة
صغار اولادنا وافعالها چبيرة
وبمطعم التركي زرعوا الهيبة
اجلبنك يليلي ثنعش تجليبة





م

[ساره البابليه]

الله حلوه
سلمت يمينك فقوري