ما نگدر نوصفه البطل عباس
معروف أبو فاضل حين يحتد
وإذا گلنه أبو فاضل لونخيناه
عزم ينخه عزم والحيل يشتد
أطلب حاجتك من عنده شتريد
وكل مكسور خاطر يمه يضمد
هو باب الحوائج نصبه حسين
تاخذ حاجتك مبخوت باليد
ماينجاس غيضه بيوم يختاض
أرض وادي الطفوف عليه تشهد
إذا راد الرگب يوميله او ماي
تجي بوضع أنحناء ويمه تمتد
ملك الموت يمشي ويبره وياه
فقط يحسب الماتو تيه العد
بركان الشجاعة يفور نوماس
إذا بركان يعني شلون يبرد
أريد اسأل سؤال ورايد جواب
وأخذ صفنه طويلة واتقن الرد
المثل عباس من توصف شتگول
اشكثر تگدر توصف يعني واشگد
يكفيك الشجر لوصار قرطاس
واخذ ماي البحر لأقلامك المد
وإذا تحسب فضائل تبتدي منين
بحر يجري فضائل ماله كل حد
عجز وحي الخيال اوافق الرأي
عجز عاجز مقابل ضن مؤكد
اذن سر الإله وخله سر بيه
فقط ربنه يعرفه الواحد أحد
رد مع اقتباس
المشاركة الأصلية كتبت بواسطة Queenシm4
