والله استحي من الكحل
احركني كتلة حطب ...
بيه ادفة وانه احتمل
وكيف حركني ودفة ..
وطفاني بعد الحرك
كتله ضميرك صحة
لا كال اريدك فحم
مرتين راد اشتعل
الخوه اشتريها لـكط
لو تنغلب بالسعر ..
لاتشتريها عزل
طبع السعادة دهن ..
وماي انه ما ننجمع
شما ننخبط ننعزل
والفرحة طير بغصن
اسهام الملامة وهلي
وعداي والمستحة
معقولة ماتنكتل
والخلك شعرة صفة
وقنعني ما تنكطع
بين الخبل والخبل
وهمومي نار بكطن
اطفيها من هل كتر
بذاك الكتر تشتعل ..
وبروحي لكعة حزن
من ابتسم ما تنمحي
وبلماي ما تنغسل
بعكازة اشوف الدرب ...
المرود كسرته بدي
والله استحي من الكحل
تمنيت اضل وحدي...
البدوي حياته تعب..
ضيم وسموم وعطش
بس المهم منعزل
الي يطب معركة
ويطيح وسط العدو ..
ويموت موتت شرف
خل الجسد ينسحل
لــ سمير صبيح
رد مع اقتباس
