هنا

[*RÂყÂм*]

قصيدة:شمس الكون
الشاعر:د.مؤيد غازي الأسدي
الزمان:ليلة 8 جمادي الآخر 1441
المكان:ديوان الكفيل - لندن


شمس الكون جانت تِضوي الزهرهَ
تِطفَه شلون بِالباب وبِل سَطرهَ
~~~~~~~~~~~~~~~~~
لعنةَ الله آعلَه الدِفَع باب السِمّهَ
والليّ مِن عِندَه إبتِدَت هَل مَظلَمهَ
والسِّطَر خَدههَ بْضَربتَهَ المُجرمهَ
وَسفَه جِفن أمّ الحسن يِجري الدّمهَ
ما يِدرون تِلهَب بينهَ الجّمرَهَ
تِطفه شلون بِالباب وبل سَطرهَ
~~~~~~~~~~~~~~~~~~
هَل سُؤال بكِل عَزانه إنجَددِهَ
ليش ماتَت وَردهَ ما شافت نِدَهَ
والسبَّب نِدري بسَقيفَةْ ساعِدهَ
ظُلُمْ آلِ المصطفهَ مِنههَ إبتدهَ
تِبجي عيون تِجري دموع العبَرهَ
تطفه شلون بالباب وبل سطرهَ
~~~~~~~~~~~~~~~~~
تَبّت إيدَه الْجِمعَت وشالَت حِطَب
ما غِنَت بَأَموال جَفههَ الما كِسَب
وَسفهَ عَل ما طالب بحَكهَه وشِجَب
سِكتَت الما يِنفَع آوياهَه العِتَب
بيا قانون مَهضومهَ ومِتحَيرهَ
تِطفهَ شلون بِالباب وبِل سَطرهَ
~~~~~~~~~~~~~~~~
ساعدَ اللهَ أمِّ الحَسَن شِتحَمِلَت
وَسفهَ عُكبِ المُصطَفه الزّهرهَ إنوِلَت
ماتَت كُلوبِ التِضِد وإتبَدّلَت
توكَع الْشالَت حِقِد مَهما عِلَت
جَم فِرعون حِركَوا باب العِترهَ
تطفه شلون بالباب وبل سطرهَ
~~~~~~~~~~~~~~~~
بيا ذَنِب مِحسِن وِكَع فوكِ الثَرهَ
بيا ذنب كِسرَوا ضِلِعههَ الطاهرهَ
عَل خِلافهَ آتحَزّمَوا لِزمَوا سَرهَ
حارِبتَههَ الما تِخاف الآخِرهَ
مَيحَصلون غيرِ النار الكُبرهَ
تِطفهَ شلون بِالباب وبِل سَطرهَ
~~~~~~~~~~~~~~~~
مو ثَلِث مَرات واجِب تِنذِكر
هَل رِزيهَ بكِل وَكِت طول العمر
مِنههَ لُوعَتههَ إبتِدَت أمِّ الخِدر
والخَواطر جَن ضِلِع مِن تِنكسِر
ضَربِ متون باجر لُوعةَ وحَسرهَ
تِطفهَ شلون بِالباب وبِل سَطرهَ



*****************************

[Suzana]

شكرا ع المجهود ريام

[ساره البابليه]

جهد رائع
سلمت يمينك

[Haidar Iraq]

شكــــــــــراً جزيــــــــــلاً لــــــكِ ..
​