يا سيد اعيوني ارتاح ... ماعيش تدري بلياك
حسبة تره چم رمضان ... واتلاگة بالحنة وياك
انسى الافراگ ونوحي ... ياروحي يمك روحي
يا سيد اعيوني ارتاح ... يا سيد عيوني ارتاح
_______________________
طايح عالباب ايگلولي ... حيدر گوم اوگف يا طولي
وداعت محسن ما انساك ...وداعت محسن ما انساك
لا تبچي الخاطر عشرتنه ... وعيونك ترجع ضحكتنه
ونرجع نلتم انه وياك ... ونرجع نلتم انه وياك
يبو سوالف دوة ... ساكت الك يومين
علي شمثگلها تبچي ... اگبال ابنه حسين
انسى الكسر يم طاريك ... ما كاتبلنه الله افراگ
يدرينه نحمل گلبين ... واحد لواحد يشتاگ
يحبنه ويعرف البينه ... اختارلنه نفس الطينة
يا سيد عيوني ارتاح ... ياسيد عيوني ارتاح
يا سيد اعيوني ارتاح ... ماعيش تدري بلياك
حسبة تره چم رمضان ... واتلاگة بالحنة وياك
انسى الافراگ ونوحي ... ياروحي يمك روحي
يا سيد اعيوني ارتاح ... يا سيد عيوني ارتاح
_______________________
الگايل عصروها ومحنيه ... مايدري انته شكبرك بيه
يا اكبر من كل اهوايه ... يا اكبر من كل اهوايه
بعز العصرة ويمك بالي ... گلت بحيدر يا هنيالي
كلشي ايهون وانته وياي ... كلشي ايهون وانته وياي
وحگ كل دمعه طاحت ... الك بالمحراب
منك (يم حسن) تسوه الضلع والباب
شويه العمر وانت اهواي...تطلبني بالجنة اسنين
ماريدة ضلعي البچاك ... غير انت اعز يابو حسين
كلهن عليك ادموعي ... يمك اشرخص ضلوعي
يا سيد عيوني ارتاح ... ياسيد اعيوني ارتاح
يا سيد اعيوني ارتاح ... ماعيش تدري بلياك
حسبة تره چم رمضان ... واتلاگة بالحنة وياك
انسى الافراگ ونوحي ... ياروحي يمك روحي
يا سيد اعيوني ارتاح ... يا سيد عيوني ارتاح
_______________________
روحي تضل تفتر ابيتك ... وهم ذيج انه ابقى امتانيتك
ويا حيدر ابقى اتلگاك ... ويا حيدر ابقى اتلگاك
ماعوفك لو لحظة لوحدك ... بس نزل اچفوفك من خدك
بداعت زينبنه اترجاك ... بداعت زينبنه اترجاك
يلمعيشني نبضه لگلبك الطيب . سامحني علي خليتك اتشيب
بأسمك مسجلتها الروح ... وامقصره اضلن مولاي
لثامك نگع كله ادموع ... نيتك شنو تموت وياي ؟
الخير كلها بچفه ... شلون انه نقطة ضعة
يا سيدي اعيوني ارتاح ... يا سيد عيوني ارتاح
يا سيد اعيوني ارتاح ... ماعيش تدري بلياك
حسبة تره چم رمضان ... واتلاگة بالحنة وياك
انسى الافراگ ونوحي ... ياروحي يمك روحي
يا سيد اعيوني ارتاح ... يا سيد عيوني ارتاح
_______________________
ما لحگنه انگله اسم الله ... مداره يطلبنه ويم الله
يسمع ها يمه ومو اه ... يسمع ها يمه ومو اه
انه وياك بذيچ الجنه ... نگعد ونكبر محسنة
ونعوضه اعله الصار وياه ... ونعوضه اعله الصار وياه
عمت عيني اعله ... دمه ايباوع لايدي
بهذيچ العتبه طاح ... گليبي و وليدي
صح عمره دم بس .. مهضوم شأدعي اعله ذاك المسمار
واعي ابني چان ومجروح ... مابي يگوم اعله النار
شفته اعله طوله جروحه ... ومن وني طلعت روحه
يا سيد اعيوني ارتاح ... يا سيد اعيوني ارتاح
يا سيد اعيوني ارتاح ... ماعيش تدري بلياك
حسبة تره چم رمضان ... واتلاگة بالحنة وياك
انسى الافراگ ونوحي ... ياروحي يمك روحي
يا سيد اعيوني ارتاح ... يا سيد عيوني ارتاح
_______________________
ادريك احنين وتحبني ... مو ضلعي اعيونك توجعني
ياابو عيوني شلون تنوح... يا ابو عيوني شلون اتنوح
حيدر ما عاش الي يتعبك ... وين الله وما يزعل گلبك
صعبه اعليه اتضل مجروح ... صعبه اعليه اتضل مجروح
الله اليدري شنهو ... اجروحي و الشفته
علي ماهمني كل ... الصار بس انته
بدونك حرام الايام ... راح ابقى كل عمري وياك
شيجيب حيدر رمضان ... واتلاگة انه وياك هناك
سامحني اروح بدونك ... بس روحي بين عيونك
يا سيد اعيوني ارتاح يا سيد اعيوني ارتاح
يا سيد اعيوني ارتاح ... ماعيش تدري بلياك
حسبة تره چم رمضان ... واتلاگة بالحنة وياك
انسى الافراگ ونوحي ... ياروحي يمك روحي
يا سيد اعيوني ارتاح ... يا سيد عيوني ارتاح
_______________________
اداء| عمار الكناني
كلمات | احمد ماجد الكلابي
تحميل mp3
استماع
رد مع اقتباس
